” لا حياة ولا روح ” في أوروبا .. ” لاجئة ” سورية تعود من النمسا لأنها أحست أنه ” في شي غلط عم يصير أنا كيف جيت لهون ؟ ” ( فيديو )

أثار تقرير مصور عرضته قناة “دويتشه فيله” الألمانية عن “لاجئة” سورية في النمسا عادت إلى سوريا بعد 4 سنوات من “اللجوء” استهجان سوريين عبر مواقع التواصل الاجتماعي، على اعتبار أنه يقدم صورة خاطئة عن اللاجئين السوريين الذين فروا من الحرب والموت وإجرام النظام أو داعش أو غيرهما، وليسوا لاجئين اقتصاديين أو سياحيين، كما تتهمهم أصوات من اليمين المتطرف.

وجاء في عنوان التقرير الذي حذفته القناة لاحقاً من صفحتها في فيسبوك وأبقته في حسابها في تويتر، “صوت القذائف لم يفارق أذنيها حتى في مقاهي فيينا.. شابة سورية تروي أسباب عودتها إلى بلدها بعد 4 سنوات لجوء في النمسا”.

وتحدثت الموسيقية نور عن تفاصيل السنوات التي عاشتها في النمسا، وأشارت إلى أنها عادت إلى سوريا بعد أن أنهت دراستها و “ظبطت أمورها”.

وعن أوروبا قالت إنه لا يوجد فيها حياة أو روح أو علاقات اجتماعية.

الجدير بالذكر أن من لا يملك أية تصريحات أو نشاطات معارضة لبشار الأسد وجيشه يستطيع العودة لسوريا (مناطق سيطرته) دون أن يتعرض للاعتقال أو التعذيب أو القتل، على عكس ما يحدث للمعارضين.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫19 تعليقات

  1. هذه شابة؟ وليش شكلها مثل الشواذ؟ وليش هالعائلة كلها شكلها ماله علاقة بهذا البلد؟ ولفت نظري أن العائلة كلها ما فيها زلمة يضبهم.
    بعدين ثلاثة أرباع هالشعب صار تحت خط الفقر وما عم يلاقي خبز، ما مصدر دخل هالعيلة؟ القناة الحقيرة تصور الموضوع كأنه عازفة غيتار طلعت سياحة ورجعت تكمل عزف و بقية الناس اللي ما ماتت من القصف والحبس حتموت من الجوع وما عرفانة تاكل.
    أنا متأكد التقرير أكيد له علاقة بموديلها الشاذ والغريب بنسبة 100% لأنه هالقنوات عندها هذا شيء مقدس لازم يعملوا عنه تقرير كل كم يوم.

    1. ما في زلمة يضبهن قلتلي؟
      عفكرة التوحش والدكتاتورية ما بتصير بس بالسياسة. بيصيروا كمان اجتماعيا واقتصاديا و و و
      في كتير ناس ضد اهبل المهاجرين وما بتفرق عنو شي. وحضرتك نمرة من هالنمر. بما انك زلمة والزلمنة عم تشرشر منك..

    2. الالمان بدون السوريين يرجعوا لبلدون سوريا. المانيت ساعدت السوريين اكتر من دول الخليج العربي.

    3. شو دخل اهلك بحريتها الشخصية؟ هاد شكلها وطريقة حياتها وما دخل فيها. و بعدين شلون هالعائلة مالها علاقة بهالبلد؟ لازم يلبسوا حجاب او اسدال مثلا حتى تعطيهم جنابك صك الغفران؟ و بعدين دخيل نظرك شو دخل وجود زلمة من عدمه بالموضوع. ليكك انت محسوب علينا زلمة بس من تعليكاتك واضح ان راس الطرش بيفهم احسن منك لانك عمتطعن بسلوكيات و اخلاق هالعائبة من تحت لتحت بالتلميح الى مصدر دخلهم بمجرد الحكم عليهم من لباسهم و طريقة حياتهم
      تحياتي يابو قرون

    4. شو بدك فيها هي حرة، ليش عم تسب فيها عيب, بعدين للي مفكرين انو رجعتها بتعطي لليمين المتطرف حجة، هذا غير صحيح، اليمين المتطرف انزعاجه هو من دين أغلبية اللاجئين وهو الاسلام ، مو لانو في وحدة مابدها تضل باوربا .

    5. حيوان انت وشكلها الحرب ما غيرتك لا انت ولا امثالك. بغض النظر عن التقرير، شو بدك بشكلها ولماذا هذا التنمر؟ هي حرة وانت تعتبر حالك زلمة حتى تضبها ؟ كلامك ما بيعملك “زلمة” او رجل بل ذكر ثور هائج ودماغ حيوان!!

  2. ما بعرف شو يلي زاعجكن, مواطن رجع لبلدوا و ما حب اوربا و لا الشحادة فيها , شو يعني صار مجرم يما خاين؟ و يلي بيحكي على شكلها خلي يسأل حالو ليش طلع اذا هيك مناظر ما عاجبتو و يا ترى لما عبوقف قدام باب مؤسسات الاعانة كان يسترجي يقلها للالمانية هنيك يلي يمكن لابسة افحش من هيك .. كان يسترجي يحكي معها كلمة

    1. حلوة هي ما حب الشحادة … بلدك عم تنسرق من إيران و روسيا و تركيا و أميركا و حكومتها يا من لا تحب الشحادة .. فرجينا عضلاتك

  3. 60% من اللاجئين السوريين طلعوا مشان الجانب الاقتصادي , ونص هدول كانوا بدول الخليج و دول تانية و اجتن الفرصة , كلام البنت صحيح

    1. أنا شخصيا بعرف أكثر من عائلة كانت في الكويت والامارات و اختارت اللجوء الى ألمانيا لأسباب اقتصادية وضمان مستقبل دراسي أفضل لأبناءهم .

  4. عادت بإرادتها، و هذه هي الإرادة الحرة، المعلق السابق ينتقدها بحقد و كراهية وكأنه المسؤول عن أمور الناس، واتخاذ القرارات عنهم، يرغب في أن يضبعها، ويضبعنا، سوريا لنا، وليست فقط لك و لأمثالك أيها الحاقد

  5. شعبنا باوروبا كلهم كذابين و ليكون بعلم الجميع كل واحد راح ع اوروبا يعني كان معاه اكتر من ١٠ الاف دولار و هدول قبل الازمة بيعملو ثروة و الهن قيمة يعني ما وصل اوروبا الا الاغنياء
    بالنسبة للفقراء فهنن موجودين لسى بمخيمات تركيا و لبنان و الاردن .
    فحاج استغراب انو رجعت لان الي معو مصاري بيقدر يعيش ملك حتى بالصومال ….

  6. يجب ان نعطي و نعلم كل طفل على الة موسيقية

  7. طبيعة تفكير بسيطة و اهل ممتازين يقدمون لاولادهم ما يحتاجون لحياة متوازنة – عزف و غيتار و ادوات موسيقية و تعليم جيد – المسلمين حياتهم معقدة و لا يمنحون اهلهم اي تسهيلات او نشاطات شخصية و لا ترى هذه المحبة العائلية التي شاهدناها بالفيديو – يا ربت نتعلم من نور و اهلها كيفية التعامل الحصاري و الديمقراطي و المنفتح مع الجيل الجديد

  8. ناطر ينقتل المجرم بشار حتى ارجع – بدنا رئيس يطور التعليم و المجتمع و يقضي على التخلف و الفساد يلي رسخوا ابن القرداحة المجرم

  9. كانت تعزف لمطربين شاركوا بيور فيجن اهم مسابقة غنائية في اوربا. و عندها استوديو تسجل فيه , اظن من التسجيل هي تحن لعائلتها فالتقرير يظهر عائلة متماسكة و ام تحب اولادها و هذا قد يكون سبب للعودة و ليس سبب العودة الفشل بحياتها بالنمسا

  10. بالفعل احترم تعامل الام المثالي و الحضاري مع بناتها و خصوصا عندما قالت كان عندي رغبة ان تعود قربها و لكنها تركت القرار لها