وزير ألماني يدعو إلى وضع ” حد سخي ” لدخول اللاجئين

جننت سمواتنا انتي وميركيل كل شوي تصريح بدنا ومابدنا ارسولكن عشي بر حاجي بقا

يلي عم يصير يا احمد انو هنن مجبورين يستقبلوا لاجئين.ما ما اسرائيل هيك امرت بغض النظر عن راي الشعب.وهادا الشد والرخي كلو لعبة اعلامية ليهدوا النفوس هون بالمانيا. كلو بيطلع و بصرح بتفكر الحدود حتسكر تاني يوم.بتركب بالقطار بتلاقي 10 لاجئين سوريين واصلين هلا من كرواتيا.بتسالهن شو القصة بيقلولك الطريق متل الحلاوة سالك والصليب الاحمر على حدود كل دولة عم يعطيهن اكل ولبس واحيانا بامنلهن قطارات للبلد يلي بعدو. لاحدا يقنعني انو قبول االاجئين انسانية وبس. انا عايش بين هالشعوب وباعرف كيف بفكروا. لو القصة بس تامين للاجئين كانو عملوا مخيمات بتركيا او لبنان وصرفوا عليها وبس.بس اسرائيل بدها ياك تترك ارضك للابد.المخيم بخليك ترجع عالبلد.بس بيت وشغل باوروبا بنسيك ياها انت وولادك وولاد ولادك. اوعكن تفكروا في لاجئ عم يفوت اوروبا غص من عنهن.بلحظة لو بدهن برجعوا اللاجئين من اليونان وببطل حدا يجي.في خبر من اسبوع كان عن مؤتمر سيعقد لاعادة توطين 4 مليون لاجئ سوري اعلن عنو باكيمون. 4 مليوووون!!!! يعني في مشروع تفريغ كبيير لقدام.كم سنة كمان بتصير سوريا شوية اقليات ما عندها مشكلة مع اسرائيل والبلد جاهزة لتفوت اسرائيل.بلد مدمر عالارض وشعب هاجر ومستقر باوروبا. انا ما عم لوم اللاجئين على فكرة.هنن وقود حرب وازا ما هربوا حيموتوا ببيوتهن تحت القصف او الجوع او من الذل والقهر بالدول العربية وتركيا. يعني بالمشرمحي اللجوء شر لابد منه. نحنا كشعب مو طالع بايدو شي.وجيش المعارضة عم ياخد سلاح من الخليج.وكل ما حسوا حينتصر بيرجعوا بوقفوا السلاح عنو.وممنوع تقصف اي موقع الا بازن.والا النظام بيسقط باسبوع لو الثوار هاجموا ضيع الشبيحة بالساحل!! هي الضيع كلها خط احمر على كل جيوش المعارضة.ليش يا ترا؟.عداك عن فكرة مضادات الطائرات يلي بتسقط النظام بايام لو انعطت. كلو ممنوع حتى تضل الحرب شغالة والمحرقة شاعلة وموت ياشعب . بكل اسف بقلكن سوريا راحت.حيتركونا هيك سنين كمان وبعدين تقسيم لا محالة!! والايام بينا.