الألمان يقفون في طابور للحصول على ” الفلافل ” السورية ! ( فيديو )

تناقل ناشطون سوريون في مواقع التواصل الاجتماعي، مقطعاً مصوراً يظهر وقوف عدد من الألمان في طابور للحصول على “صندويشة فلافل”.

ولم يذكر ناشرو الفيديو المكان (المدينة) الذي تم التصوير فيه.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫19 تعليقات

    1. لك كول هوا لعما شو سمج
      العالم عم تبدا من تحت الصفر و إنت جاي تبيض على سمانا

    2. ليش اخي فوق ما تقول الله يعطيهون العافية هالشباب عمبشتغلوا ومو قاعدين. احترنا اذا العالم ما أشتغلت بتقولو شحادين وإذا اشتغلوا هادا الي شاطرين فيه

  1. موفقين يا شباب .. وإلى سليم، وين المشكلة يعني إذا الشباب عم يشتغلوا .. ليه التعليق السلبي ما بفهم.. في دكاترة وفي مهندسين وفي تقنيين سوريين برعوا بألمانيا وغيرها وعكس السير جابت تقرير عنهم ..

  2. هاد مأوى للاجئيين في هامبورغ..كان يوم احتفال للكامب وحضر فيه موظفي الكامب الالمان والعاملين واللاجئيين

  3. هلء البسطاء الحالمين بيقولوا لحالن منروح على ألمانيا لجوء و نفتح مطعم فلافل شايف الناس طوابير… حبذا لو تضع الأمور بسياقها الصحيح حتى لا يتم تضليل الناس و تصوير أوروبا على أنها جنّة. أنا مقيم في باريس و المطاعم كلّها عند ساعة الظهيرة يصطف الناس عليها بالطوابير لشراء سندويشة أيا تكن. أما مطاعم الفلافل اللبنانية (معظمها لأتباع حزب المقاومة و الممانعة) فكل العمال الذين ستجدهم فيها هم بنغال و أفارقة يستغلونهم بمعاشات تافهة (400 يورو شهرياً) لا تكفي لدفع أجار غرفة هنا (هؤلاء ينامون خمسة ستة بغرف بالأقبية بالسر) وهذه المطاعم تبيع كل أنواع السندويش أقلها طلبا هو الفلافل. حبذا لو كان المجال يتسع للشرح أكثر. إذا الخلاصة لكل من يحلم باللجوء إلى أوروبا و لا يستطيع الوصول إلى هنا صدقني لم تخسر سوى الهم. نحن نعيش هنا من سنين طويلة و نعرف أدق التفاصيل صدقوني. طبعاً الفيديو أعلاه ليس مطعم و إنما اجتماع ما و الناس مضطرة أن تأكل ما يقدم لها بالبوفيه.

    1. يمكن انت يحطوك بمنجم دهب وتبقى فاشل وفقير … يعني انت مقياس للمهاجر .. ومستوى معيشتك بالضرورة تكون هي الحد الأعلى لما يمكن أن يحصل عليه المهاجر!!؟
      بعدين ما هذه الـ (لم تخسر سوى الهم)!!!!!!!! إذا انت مهموم اترك الهم لهؤلاء الأوربيين وتعال ارجع على سوريا.
      وبصراحة إذا كنت تعيش الهم في بلد يعطيك بقدر ما تعطي .. فالمشكلة فيك .. بل أنت مشكلة بالأصل ..
      ناس وصلت من شهور إلى بلدان أوروبا وبقليل من الجهد والسلوك المتحضر والتصرف بأخلاق حسنة أصبحنا نراهم على شاشات التلفزيون يقدمون صورة طيبة للإنسان العربي و السوري .. وأنت في أوروبا من سنين طويلة وغارق في الهم !!؟؟ لأ اسمحلي …
      ولا بد من الإشارة إلى عبارة تدل على أنك عايش في الكونغو (الناس مضطرة أن تأكل ما يقدم لها بالبوفيه) أعتقد أنك لا أنت ولا غيرك تستطيع إجبار الفرنسي أو الأوروبي على أكل ما يقدم له بالبوفيه دون رغبة منه .. جعلتنا نظن أن حزب البعث يحكم تلك البلاد ويجبر المواطنين على تناول ما لا يرغبون به تحت طائلة السجن!!!!!!!!!!!!!
      ثم انه من الغباء تصور ان الناس ذاهبة لتفتح محل فلافل !!! شيء مضحك أن تقول ذلك ..
      نسبة كبيرة من الشباب ذهبوا لإكمال دراستهم الجامعية .. ونسبة كبيرة من المهاجرين جامعيين وأصحاب مهن ودارسين وبينهم أثرياء لهم قدرة على الاستثمار ودخول سوق العمل والإنتاج …
      فخليك عايش بهمك .. ولا تزيد الهم على حالك بالتفكير باللاجئين ..

  4. تصوير الناس بغير موافقتهم في مطعم خاص (وليس في شارع عام) تخلف تخلف تخلف… هاذا الفرق بيننا وبينهم!

  5. هههههه شفتو الثوره الها ايجابيات كثيره تايتشردو السورين ويصلو لالمانيا وينقلو معهم التكنولوجيا للالمان تكنولوجيا ( الفلافل ) الله لايرحمك ياحافظ الاسد خلفت ابنك المجنون دمر وقتل هذا المجرم هذا اذا كان أنت ابوه ياحافظ؟؟؟ حسبيا الله ونعم الوكيل الله يدمركم

  6. افضل من قاتل الشعب واشرف من مرتزقة ابو الصواويخ…اليس كذلك يا سليم؟ الشعب السوري اينما ذهب يبيض ذهبا…

  7. we are proud of any Syrian
    at least they are working and they brought an attention to the whole world that wherever we are, we work hard
    god bless you and god bless all Syrian all over the world and soon Syrian will be free of all Assad family and who ever is supporting them

  8. علي ماعلي محل فلافل سوري أوفول أو حمص. راح يشتغل شغل طيب بالمانيا.
    بس أهم شي لاطمع ولاغش.

  9. رد على الي رادد على اهبل ٠٠٠
    انتي واشكالك مانكون شاطرين غير بالتنظير هاد سكن للاجئين بالمانيا اقل شي يقدمولهم فلافل ماالسوريين بهالسكن مستنين اوراق الموافقه على الجوء وبعد الموافقه رجليهم رح تضرب بضهرن ليلحقو اول باص متجه الى مكتب التقديم على مصاري الشحادي وبعدين اذا طلعلو واحد بالتلفزيون فهدلون بشكلو على الكتير نص بالميه من السوريين الي جاين بس كرمال مصاري الشحادي :)

  10. الأكل بأوروبا شي بيكب وبيعمي.. يعني مو طيب متل الأكل السوري ؛ حتى المطاعم اللبنانية أكلها بيختلف عن لبنان والشام من حيث الجودة والمهنة ولأن الغالبية متعدي ع المصلحة .. واذا حدا بيفتح محل اكل سوري ع الأصول بيشتغل منيح وطبعاً له زبائنه ؛ والمطاعم في أوروبا من كل الجنسيات بالبداية بيكون منيح بعدين بينتحس وبيمشي مع الماشي ؛ بالنسبة لأكلة الفلافل ممتازة وطيبة وخاصة انها نباتية.. والذين رأوا من المعلقين بأنها يعني ليست بقدر المقام… ف هم غلطانين ولأنها أكلة صحية وافضل بكثير من اكلة الشاورما يلي كلها دهون وجلاميط ومطاميط وأسوأ انواع اللحوم هذا عدا عن عدم النظافة ؛ وبالمناسبة احدى المرات كانت هناك فعالية مشتركة للأكلات التقليدية في احدى المدن الأوروبية وإذ أرى طبق الفلافل موجود بأسم أكلة اسرائيلية.. اثار الامر نوعاً من الغضب والإستياء لدي ولأنها أكلة تحديداً سورية شامية الأصل رغم أن اللبنانيين يقدمونها لكن ليست بالطعم الأصلي لهذه ال؛كلة الشعبية الشامية العريقة… حاول الكثير من العرب واليهود نسب هذه الأكلة لهم وصنعوها وقدموها في مطاعمهم لكنهم لم يفلحوا ولأن طريقة الخلطة والقلي….. غير معروفة لديهم كما هي لدى السوريين ؛ والسوري يلي بيعرف يعمل فلافل منيح روح الله يرزق بس عليك بالنضافة وع الأصول ؛ واؤكد لكم جميعاً إن الأكل السوري أطيب أكل بكل العالم وعن تجربة.. وبغض النظر عن مقاييس الضرر الصحي والفائدة الغذائية طبعاً ولكل شيئ حساب ؛ ومن المعلوم ايه انو نحنا شاطرين كتير بالأكل ولوووووووو شو نسيتوا.

  11. بأوروبا المهم تشتغل بتصير محترم ونظرة المجتمع إلك غير بس الناس مو شاطرة غير تنظر وتحكي بالآخر لكل مجتهد نصيب والشاطر وين ماراح بيثبت وجوده

إغلاق