حلب : مبادرة لإطعام قطط الشوارع ( صور )

انتشرت أنابيب خاصة تحتوي على طعام خاص بالقطط، في أحياء المحافظة والسليمانية والخالدية والفرقان والشهباء الجديدة وحلب الجديدة، ضمن مبادرة لإطعام القطط الشاردة، في محافظة حلب.

وتقوم المبادرة، التي تحمل اسم “رفق”، بوضع طعام القطط، إضافة للمياه، في أنابيب صغيرة مربوطة بالأشجار، بهدف تقديم الطعام للحيوانات الأليفة.

ونقلت وسائل إعلام موالية، عن المسؤولة عن مبادرة “رفق”، ديالا غشيم، قولها: “إن عمل المبادرة هو الاعتناء بالحيوانات، ومشروع الأنابيب جاء من ضرورة مساعدة القطط المنتشرة في الشوارع بطريقة حضارية وغير مؤذية لأحد”.

وبينت أن عملية تركيب الأنابيب بدأت من كل فرد من المبادرة بنفسه، حيث قام كل متطوع بتركيب أنابيب الطعام والمياه في الحي الذي يسكن فيه، مع مساع لنشر هذه الأنابيب، في باقي الأحياء.

وتنشط المبادرة في محافظة حلب، عن طريق شباب متطوعين وأطباء بيطريين، يمارسون عملهم بشكل مجاني، وتقوم بالإضافة لإطعام القطط في الشوارع، باستقبال الحيوانات المنزلية المحتاجة لعلاج أو عمليات جراحية.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫13 تعليقات

  1. ياسلام عالانسانية .. نص حلب جوعانة والنص التاني عم يموت .. بس القطط شي مهم .. يبدو انو التوازن الطبيعي صار اهم شي بحلب .. ومتل ما منعرف انو الجرادين لازمهم قطط مشان هالموضوع يضل ماشي ..
    شو رح يعملوا اصحاب القلوب الكبير لما القطط رح يتكاثروا .. ويصيروا مصدر ازعاج لاصحاب القلوب ياللي مو كتير كبيرة من البشر ؟؟
    مين الاهم عن اصحاب القلوب الكبيرة ؟؟

  2. انا من اكتر الناس حباً للحيوانات ..
    الغرب لما بلش يهتم بالحيوان وحقوق الحيوان بلش بعد ما انتهى من اعطاء الانسان كل حقوقه وبعد ما بنى الانسان بناء صحيح ..بلش يهتم بالبيئية يلي بعيش فيها الانسان و بشكل طبيعي بلش بالاهتمام بشركائنا على هل الكوكب ..
    نحن بدنا نبلش بالمقلوب نهتم بالحيوان بعدين لنصل للانسان..
    يا عمي مو هيك بتصير الامور ..
    من المفروض يكون الاهتمام بالتعليم وبعدها بالتعليم وبعدين بالتعليم .. ابنوا مدارس وحسنوا المناهج الدراسية عملوا دورات تدريبية لاساتذة والمعلمين زيدوا معشاتهم ..قللوا عدد التلاميذ بالفصل ..عاملوا الطلاب على انهم طلاب مو جنود المستقبل … ضيفوا مادة الاخلاق بدال مادة الديانة ..خلينا نعلم الاولاد الصدق و احترام الانسان بعدين من علمهم احترام البيئة والحيوان ..
    واخر شغلة بدي قولها .. انه حتى فرضا لو الفكرة جميلة في زمن الحرب.. عملوها بشكل انيق وجميل ..جايبين بواري ونازعين منظر هل كم شجرة يلي بالبلد ..
    يعني يلي بده يعمل هيك مبادرة من المفروض يلجأ لشخص مهتم بالديكور

  3. مو غلط منظر حضاري رغم الماسي الرسول عليه الصلاة والسلام كان يفضل الوضوء من مكان شرب القطه للماء

    1. للتصحيح الرسول عليه الصلاة و السلام لم يفضل الوضوء من مكان شرب القطة و انما نفى الكراهة عن الوضوء بسؤر الهر,
      فهناك فرق هدانا و هداكم الله

  4. الناس هنيك مو لاقية تاكل وشغل مافي وتقولي اكل للقطط ..اولا ساعدو البشر قبل القطط يا شعب

  5. اتفق الجميع على الرفق بالحيوان و يختلفون على الرفق بالإنسان اذا كان معارضا لأفكارهم

  6. التعليقات بتدل اديش نحنا شعب عملي ومنفكر صح, هذا اللي عم يطالب بالتركيز على التعليم , التاني بده تأمين شغل للعالم والتالت بده اطعام العالم, كلها شغلات مهمة جدا بس شغل عملاق, لا تقارن بفكرة بسيطة وسهلة ورخيصة متل انو تشتري بوريين وتعلقن على الشجرة القريبة من بيتك وتصير اولاد الحارة تحط بالبواري شوية مي وبواقي الاكل من البيت وعلى فكرة كتير مهم انه تعلم الناس ينظمو حالن بافكار صغيرة مشان بالمستقبل ينظمو شغلات متل التعليم والاغاثة, خليكن ايجابيين و عملين يا جماعة واللي بيتعلم يعطف على الحيوان رح يتعلم يعطف على الانسان

  7. اشعال شمعة خير من لعن الظلام …انا مع اي خطوة للامام …سواء للبشر او الحيوانات او حتى الحجر…

  8. يعني موضوع حلو كتير بس لفت نظري موضوع الاكل كيف عم يتوفر اكل القطط وواضح انه اكل من نوع ممتاز يعني مستورد لانه معلومكم ما عنا معامل تصنيع اكل للحيوانت وكلنا منعرف اننا كنا نطعميها الحم فاسد وجلاميط وروس دجاج الان دوله تسمح بغذاء الحيوان وناس ما عندها تاكل ولا عندها ماء وعم تشحد بشوارع يبدو ان الدوله تحتاج لشعب من القطط وليست بحاجه لشعب من البشر يلا كله حضاره وحريه هيك بده الحيوان الكبير قال تحرك فردي قال العلب نفس موديل والاكل وطريقه تركيب وقال شو عمل فردي اتمنى من القنوات الاعلاميه وعلى راسهم سي ان ان تنقل هل الصوره الحضاريه للنظام اي شو هل الانسانيه خايف حتى على القطط ههههه وبشر يلعن ابوهم يموتو من جوع مجتمع متجانس من طراز الاول قطط على شويه كلاب وبعض من سحالي وباقي فيران والقائد حيوان حديقه حيوان متكامله