رسالة من المواطنة شكران مرتجى : ” يا سيدي الرئيس الشعب تعبان .. ما في غاز و لا مازوت و لا بنزين و لا كهربا و لا حليب “

وجهت الممثلة المعروفة بمواقفها الموالية لنظام بشار الأسد وجيشه وجرائمه، رسالة لسيدها الرئيس، على حد تعبيرها، أكدت فيها له أن “الشعب تعبان”.

وقالت مرتجى في منشور لها عبر صفحتها في فيسبوك، الأربعاء: “سيدي الرئيس.. الشعب تعبان مافي غاز مافي مازوت مافي بنزين مافي كهربا آجارات بيوت وصلت لمئات الألوف مافي حليب أطفال وصل حق العلبه ١١الف سوري !!!!!!!”.

وأضافت: “عملولنا بطاقة ذكية وبدك تكون عبقري لحتى تروح وتقدر تطالعها الطرقات بشوية مطر صارت تغرق وتغرق معها ناس معتره معاشها يادوب هي البيوت فيها أهالي شهداء وجرحى ومخطوفين فيها سوريين صبروا كتير كتير اتحملوا الحرب لأنه الحرب كانت قدر ونحنا مؤمنين وبهمة جيشنا اللي لساته واقف بالبرد وبنخجل أصلاًندفى وهنه بردانين قدرنا نتغلب ع كل عدو خارجي بس العدو الداخلي ؟؟؟؟”.

وتابعت: “تجار الحرب والأزمة اللي معه مصاري بيدبر حاله اللي عنده واسطه بيزبط اموره بس الأغلبية شو يعملوا تعبنا وعود وعهود عالتلفزيونات والإذاعات”.

وأكملت: “معقول اللي ما مات من الحرب يموت من القهر والبرد والغلا وووووووتعبنا عتمة بدنا نطلع عالضو بيلبقلنا وبيلبق لبلدنا العظيم”.

وختمت: “باعتلك الك الرسالة لأنك الوحيد اللي رح تسمعنا وتوعدنا وتوفي بالوعد مابدنا نهاجر مابدنا نسافر بدنا نبقى ببلدنا نعمرها كلنا مع الوطن بس مابدنا الوطن يكون علينا”.

وذيلت مرتجى تعليقها بكلمة “مواطنه”.

ويدأب المسؤولون النظاميون والموالون للنظام ووسائل الإعلام الموالية على تكرار جملة “سوريا دولة مؤسسات”، إلا أنهم يعرفون تمام المعرفة أن “لا مؤسسات ولا هم يحزنون” الأمر الذي يدفعهم دائماً لتوجيه خطابهم ورسائلهم إلى “الأب القائد المفدى السيد الرئيس الشاب” القادر الوحيد على حل مشاكل البلد ابتداء بتأمين الخبز وجرة الغاز وانتهاء بمحاربة الإرهاب.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫34 تعليقات

  1. والله يا سيدة مرتضى طالما أنت بحضن الوطن لازم تتحملي كل شيء ممكن يأتيك من هذا الحضن.
    انتظري حتى إعادة الإعمار قبل أن تنتهي الأعمار.

  2. ههههههههه، بالله من كل عقلها عم تحكي ، خطي الرئيس مو دريان شكلو … بكرة بتنضغط شوي وبتقلب معارضة
    مسخرة ، الله يفرجينا عجائب قدرتو بكل من والى الأسد وشرذمته

  3. طيب كتير منيح رسالتك حلوه كتير لنشوف بكرا الحيوان شو رح يعملك هذا الذي يحصل امر متوقع ومعروف وقلنا لكم طالما الاسد على الكرسي ستتعقد الامور كثيرا وكلما طال الوقت سيكون هناك مصائب اكثر الاسد يجلب لسوريا الخراب والدمار والفقر لا يهمه ان نام سورين بشوارع او جاع الطفل او مات من البرد همه جماعته ومنتفعين من حوله ومجتمعه المتجانس سيكون مصير سوري لا يعيش فيها الا الحرامي ومنافق والشبيح واخرتها رح ياكلو بعض الشبيح القوي ياكل الشبيح الاضعف ليبقى الاسد على كرسي وتنهب ايران وروسيا ثروات ويعيش الباقون على فتات متبقي مبروك عليكم مجتمع متجانس يا بتوع مقاومه

  4. شو بدك من السيد الرئيس يأخذك على بيته ويدفيكي ويعطيك مصاري تكفيكي يعني؟ بالنهاية يوصلك بالكهرباء كمان؟ هذه هي حال الوطن وسيادته مو عنفة كهرباء ولا بئر نفط. راحت على البلد بحكمته انتهى باي.

  5. بقرة من القطيع تستنجد برئيس القطيع ثكلاتك امك ما هو سبب كل المصائب بسورية من قتل وتشريد وخراب ودمار ولصوصية وتشبيح وواسطات وفساد ومحسوبيات

  6. يا ايتها المواطنة المحبة لسيادته

    هل من المعقول ان دولة منتصرة على اكثر من 80 دولة كما تدعون ويكون حالها كم تصفيه في رسالتك الى سيادته.

    المنتصر يفرض على اعدائه ما يريد ويحصل عليه ..

  7. بالمناسبة يا ” شكران مرتجى ” انت في نظر من تخاطبيه في احسن الحالات، مستوطِنة ولست مواطنة..!!
    لأن المواطَنة ” بفتح الطاء ” تقتضي وجود وطن يحميها ، إذ أن منذ انقلاب ” القائد الخالد ” والد ” الولد الأهبل الحاكم ” الذي استدعى ” سفلة العالم ” لقتل وتهجير أكثر من نصف السوريين، لم تعد سورية وطن بل صارت مزرعة خاصة لآل الأسد ، وما انا وانت الا حيوانات تجارب في هذه المزرعة .
    هذا الولد الاهبل الحاكم دمر سورية بالبراميل المتفجرة وبدد كل خيراتها ليبقى على كرسي الحكم البائس ..
    أنا شخصيا اقدر ما انت عليه، وأشعر بما تشعرين به، لكنني كنت اُفضل ان لا تستنجدي هذا الاهبل …!!

  8. خلي الفرحة سورية.. للاسف فقدنا خيرة شباب السنة في ثورة من أجل العبيد امثال هؤلاء و قتلنا بايديهم.. الا لعنة الله على الظالمين.. قال خلي الفرحة سورية قال..

  9. شقد من بكيت ونواحك وصل لباريس مو سيادتو عنده كل اللي فقدتوه فمو سائل عليكم لو التعن اللي خلفكم هو رئيس معنطظ على الكرسي وهذا يكفيه بكائك هو نباح بالنسبة له كل ذلك مبرمج لإذلالكم ألم تدركوا الأمر خليكم ببكائكم ولطمكم واتركوه يضحك عليكم

  10. يلاحظ من حيونة المنحبكجحشية أنهم يعودون الى نقطة البداية التي لم تحل و لن تحل الا بزوال حكم بني قيقي و من شابههم من قرود الجبال في كل اصقاع سورية.

    المنتفعين, الوساطة, المدعوم, يلي ايدو واصلة… الخ. الشعب ثار اصلا على هالكلمات لنحصل على المساواة و نبني وطن, صرنا بوقهتا مندسين و ارهابيين و عراعير و سلفيين و و و… كل شي الا مواطنين برأي المنحبكجحشية الاوباش. و هلا شايف هنن بلشو بنفس الطريق.

    ما بيكفي انو حيونة ثيادتو لسا قاعد عم يلعب بلاي ستيشن و مهيئ ابنو كديش الرياضيات حتى يستمر ذخرا لزريبتكون. و باع البلد و نفط البد و عطى البويجية الاستقلال بالشرق و الروس الساحل و البحر و شيع البلد و عطاها لايران و لسا ما شفنا شي.

    بعد كل هالحكي ما بقول الا حسبي الله و نعم الوكيل

  11. ياسلام .. المواطن عم يستجدي حليب وغاز من سيادة الرئيس ..
    يعني الباقي من وزراء ومدراء وووو.. ماحدا بيطلع بأيدو شي لمساعدة المواطن.. فقط الرئيس ..
    بالمناسبة . هيك شي ما بيصير بالدول .. هيك شي بيصير فقط عند العشائر ..

  12. لك اذا بدك تموتي هذا الحيوان ذيل الكلب مابإيدو يعمل شي هذا الحيوان رجل كرسي فقط هو يتسمم كل يوم مع ولاده سمك وانت والمنحبكجية كلكون حقكون ساعة حيط او كيلو رز منتهي .. تتهنوا بالحيوان ذيل الكلب انتم من دعمتم ابله احمق ليقود سورية عظيمة على هذه العائلة الحاقدة الخسيسة التي لاتشبع الا في التراب..

  13. عزيزتي المواطنة: هذا ما جنيتوه على انفسكم بتطبيل و تزمير لرئيس ارعن ما همه سوى كرسيه و خدمة اي كلب يحافظ له على كرسيه.

  14. مابعرف شو بدي اقول للمؤيدين امثالك
    تــــــــفـــــــــو ……………. بس

  15. رد السيد الرئيس :
    ثدي حلقك ودحثي البوط العثكري فاه بدكين حريي ؟
    يعني لما قلت الأثد او نحرق البلد فكرتي انتي وغيرك انو عراثكن خيمة ؟ ذميع ابناء الثعب الثوري تحت البوط العثكري بدوون تمييذ نحنا ماعنا عنصرية واقليات

  16. هههههه هلئ سياده الرئيس بتكون دموعوا عم تنهمر من هذا الخطاب . بحب طمنك يا ست شكران سيادتوا مو سائل لا عليكي ولا ع الشعب المؤيد لسيادتوا….. وانتو وصرمايتوا سوا… لك اصحوا بقى ياحمير

  17. أن شاء الله مفكرة سيدك المعتصم سياتيك على حصان أشهب شعب الحيونة مع المورثات

  18. لا حياة لمن تنادي. غيرك نادوا وصرخوا بلا فائدة وحتى لو حدا سمعك مثلا لا يقدم ولا يأخر ذكرتيني بالمسلسل يوميات مدير عام عوجة رح ضل عوجة من النظام والمعارضة لأنو أتنين خربوا البلد بأسم الشعب.

  19. هي الحرب على المعارضين والموالين الهدف هو القتل والتهجير الفرق ان المعارضين تدمروا بشرف وكرامة اما الموالين سيتدمروا بذل وخنوع والذي يظن ان الحرب على المعارضين فقط فهو لايوجد فيه اي ذرة عقل لان الدابة بعد 8 سنوات من الحرب اصبحت تعلم ان التدمير سينال الجميع وكل له وقته وقد جاء دور الموالين حتى من الطائفة العلوية ولو ارادوا حل ازمة الوقود لحلت خلال 3 ساعات في سورية كلها

  20. من عام 2000 كنت حاسس انه الوضع على شفير هاوية .. كنت حاسس هل الانفجار السكاني رح يؤدي لتدمير البلد..وهذا يلي صار .. الشعب اذا ما وعي انه لازم يوقف خلفة ما رح نقدر نحسن نسلنا… الاطفال بدهم تربية وتعليم وصحة ..ما بدهم بس خبزة وجبنة وشاي.. بقلك عيب تفكر الرزق على الله ..لو الرزق على الله التربية علينا .. وكان شعبنا بلا تربية بأغلبه..
    وبعد ما صارت الحرب ..قلت لصديقي مالي مستعد اجرح اصبعتي كرمال البلد .. قلي ليش ..ما بتحبها …قلتله بحبها بس مافي أمل .. قلتله الحرب رح تهدم كل شي بس المصيبة انه ما رح نتعلم من الحرب شي ..وهذا يلي صاير هلا ما تعلمنا شي من هل الحرب

    1. عفكرة انت لازمك توعية سريعة لتطالع هالفكرة من راسك.. جد عم احكي وبكل محبة!! يا رجل دول اوروبا عم تشجع الناس تخلف لانو السكان ثروة طبيعية متل النفط بالضبط.. ولك سوريا فيها ثروات اكتر من المانيا بكتييير!! بس في سوء إدارة للموارد بسبب الفساد!! مشكلتنا كانت ولا تزال هي الفساد.. الحل يلي اقترحتو حضرتك مطبق ومن زمان في دول امريكا الجنوبيه متل فنزويلا والمكسيك يلي المواطن فيها ايام السلم عايش متل السوري بالحرب.. رغم ثرواتهم الفساد عندهم مخليهم عايشين من قلة الموت رغم انهن دول نفطية!!
      انا معك انو لازم توعية للمواطن مايخلف ويزت.. بس السبب الاول والاخير بتخلفنا مختلف تماما عن الزيادة السكانية!! من خمسين سنة بس قبل ما يحكمونا قرود الجبل كانت الدولة السورية تشجع عالخلفة وتعطي تعويضات محرزة للاهل.. لانو كانت الموارد بخير وما تنسرق.. سوريا لو بتحكمها حكومة متل الالمان بتصير اعلى معدل دخل فرد بالعالم بظرف ١٠ سنين..دولة نفطية زراعية وسياحية ونوقع جغرافي استراتيجي!!! متخيل حجم مواردنا انت!! انت متل يلي عم يلوم مواطن انو عم ياكل مرتديلا مسمومة عم تنباع بالبقاليات رغم انو بامكانو ياكل شي تاني.. بس عم تنسا انو يلي دخل هالمرتديلا عالبلد هي الدولة.. انشالله تفهم عليي وتبطل هالاسطوانة المشروخة تبعك!! والله ازا بنوقف انجاب كلنا لسنين ما منتطور طالما في فساد.. بارجع بذكرك بفنزويلا الدولة العضوة باوبيك!!

      1. طيب رح اجي معك وكلامك فيه كتير من المنطق والحق لكن لما اللي إسمهم معارضين وحرية وثوار وبطيخ مبسمر وصلوا لأوروبا هل تعلم ماذا فعلوا ببلاد الحرية والمساواة ولا احكيلك ؟ أحكيلك عن الوساخة وكمية النشح والوخم والفساد اللي اشتغلوه ببعضهم البعض ولا بلاش ؟ ولا رح تقول لي أكيد هم خريجين مدرسة النظام !؟ شعبنا في دمه القذاره وبس استحكم مابيرحم .. نظام ولا غيره ، شوية أوبة نشح وصلت لأوروبا وبلشت تسمسر وتتهرب من الضرائب وتبلع اللي الها واللي مو الها ولو صحلهم لحتى يشربوا من دماء بعضهم البعض ولحظة لحظة لحظة حط لي خط تحت كلمة ( من نفس الطائفه والملة والعشيرة والدين والاتجاه المعارص )…. هداك الغيم جاب هالمطر وإن الله لا يغير مابقوم حتى يغيروا ما بأنفسهم يا حبيب بدك تقلي فساد في الوطن تعال روح اسأل عن المهاجرين في بلاد الحرية شو عم يعملوا وكيف الأنانية بدمهم وكيف بيكرهوا بعضهم وبيكيدو ومستعدين يخوزقو بعضن بأشد الأذى روح تنوّر وبعدين علق…

        1. اولا والاهم انت عم تحكي على موضوع تاني كليا ..عطيني صلة كلامك بعلاقة الانجاب العشوائي بتخلفنا!! ولا شي!! لانو الجهل لا علاقة له بقلة الاخلاق.. كنا اميين يوما ما بس بقمة الاخلاق!!

          تانيا انا مو بس بوافقك بانهيار شعبنا أخلاقيا!! لا وباكد انو ما رح ينصلح حالنا الا لترجع الاخلاق على قولة احمد شوقي!! وكان الي تجربة مريرة او ما سافرت مع طلاب سوريين متلي درسوا بالمانيا ما احكيلك ياها لتصفر من كم الشر يلي فيها..يعني لو حاطيلي كيس هيروييئين بغراضي ومبلغين الشرطة كان اهون عليي!!
          تالتا سبب الخلاف الدائم مع من يسمي نفسه ليس ادي امل ومعك هو سحبو لمسؤولية الدولة من فساد اخلاق الشعب.. بانصحك تقرأ ملخص لنقدمة ابن خلدون يلي تدرس بجامعات الغرب ونحنا ناسينها..اقرا كيف تاثير الحكومة الفاسدة بتغيير اخلاق الشعب وتحويلو من شعب راقي لفاسد.. والامثلة المعاكسة كتييرة ومنها مثالي المفضل سنغافورة.. من دولة تلت مواطنيها بناموا بالشارع من الفقر عام ١٩٦٥ لدولة تالت مستوى رخاء بالعالم عام ٢٠٠٠ بسبب حاكمها التاريخي كوان يو يلي مو بس غير اخلاق الشعب.. ولك ساوى شعب نشيط متل الالمان وحمار شغل!! عندك تركيا يلي كانت عملتها متل مونوبولي!! صارت وين هلا بعد اردوغان!! انا معك لا يغير الله نا بقوم حتى يغيروا ما بأنفسهم.. بس كمان الحكومة قادرة تغير كل شي لو بنتوي.. وسحب مسؤوليتها عن الاخلاق والتخلف يلي عايشينو هو اما غباء وجهل او تشبيح لسيادتو وتاييد.. ما في سبب تالت..انشالله تكون من جماعة السبب الاول!!

    2. يا زلمة بتلفوا و بتدوروا .. شي بيلوم المؤامرة شي بيلوم الخليج شي بيلوم السكان شي بيلوم الله و ما بتحكوا كلمة حق وحدة و تلوموا دكتاتور معه شلة حرامية ؟

  21. يا شكران اذا عندك غاز ومازوت بعتي لثيادت الرئيث بثار
    مؤيدين اذا ضرب الحذاء براسهم صرخ الحذاء باي ذنب اضرب

  22. وقت بتذكر وقفات فرن الخبز والغاز ورشوة عشان

    شهادة السواقة فاتورة الكهرباء الخ…. وبشوف كيف انا

    وبلغربة بمشي كل هلامور من الموبايل بقوووول مدام هلعصابة حاكمة وفيه رعاع مقتنعين انو هاي بلد يارب ديم علي نعمة الغربة وديم عليهم ترديد الشعار وكتاب القومية وحلابات غادة بشور

  23. مو حضرتك من المؤيدين ومو حضرتك من المنادين ببقائه الا الابد وحضرتك بتعرفي انه البلد بايام الخير كانت مزرعة للعصابة الاسدية وستبقى هكذا وابشع على مر السنين لو بقي هذا النظام ومبروك عليكم القيادة الحكيمة والشجاعة للقائد

  24. ما يميزكم هو السماح لنا بكتابة التعليقات التي لم تعودوا تنشروها للأسف.

  25. فلسطينية من جماعة المستفيدين كلبة واللي بيتجوز امي بقلو ياعمي كم عملية تجميل وكم علاقة حميمية مع معلمين جيش الفلسطيني بسوريا تواصتولها ودفشهو تمثيل ومن قن جاج بمخيم فلسطين بالشام لجرمانا لبيت بالملايين بمشروع دمر

  26. اقول تبا لكل الدول التي تقصف سوريا ليلا ونهارا بحجج قصف الارهاب او الاكراد او حزب الات اووووو
    لقد اصبحت سوريا دمارا بالارض والانفس و كل تلك الدول تجد الاموال والوسائل لتدمير سوريا اما ايام السلم فلا تساهم اي دولة باعمار او تحسين الوضع للشعب السوري
    الحكومة بما فيها وزراء واعضاء شعب مغلوبين على امرهم و همهم الاكبر العيش برخاء مدة وجودهم بالحكومة و طنش تعش ويرضى عنك رئيسك المباشر وغير المباشر