محام قال إنها أغرب استشارة واجهها .. سوري يسأل عن طريقة ليسجن فيها مع عائلته عله يحصل على طعام !

نقلت وسائل إعلام محلية موالية تفاصيل ما قالت إنها واحدة من أغرب الاستشارات القانونية التي مرت على محام في سوريا.

وذكرت أن المحامي خضر سعد مخلوف جاءه رجل “أراد أن يدخل السجن مع عائلته لمدة 6 أشهر” عله يحصل على الطعام.

وقال المحامي (خريج جامعة حلب / مقيم في جبلة) في منشور عبر حسابه في فيسبوك: “اجاني تلفون من أحد الأشخاص وقلي عايزك باستشارة أنا وعائلتي قلتلو تفضل .. قلي معلش أستاذ لازم نشوفك كلنا .. المهم نزلت شفتو هو وعائلتو الكريمة المؤلفة من ٤ أشخاص (اب وام وبنتين ) .. قلي سؤالي الك وبتمنى تاخد الموضوع بشكل جدي لانو غير قابل للمزح ابدا .. قلتلو تفضل .. قلي شو الجريمة اللي عقوبتها بالقانون ٦ شهور ومن دون ما يموتوني من القتل والتعذيب جوا السجن”.

ورداً منه على الأسباب التي دفعته لهذا الاستفسار، ينقل المحامي عن الرجل: “قلي بالحرف نحنا عيلة يا منموت سوا يا منعيش سوا والجرم لازم يكون مشترك وجماعي لنقدر نفوت كلنا عالسجن ناكل ونشرب وننام لانو بصراحة ما معنا ناكل والحالة تحت العدم ومافيني شوف عيلتي عم تجوع قدام عيوني وانا واقف مافيني اعمل شي”.

وتابع مخلوف: “قلتلو بس بهالحالة بتصير محكوم .. بجاوبني بالحرف محكوم وعم آكل احسن من (غير محكوم ) والفقر عم ياكل من جسم ولادي .. والله بيعرف انو مو مجرم وهيك بفوت عالسجن وانا ضميري مرتاح، قلي كرامتي وكرامة ولادي هي لقمة العيش والجريمة متل بعضها بس الله يوفقك تكون جريمة ما ناكل فيا قتل كتير”.

وأكمل بعد أن أكد أنه عجز عن تقديم استشارة لأول مرة في حياته المهنية: “فجأة بطالع سند أمانة من جيبتو وبيبصم عليه انو انا مدينو مبلغ من المال وبقلي حرفيا ادعي عليي بحسنة هالاولاد لا تردني خايب”.

وختم بالقول إن الموضوع تم حله بواسطة “أهل الخير” وتساءل: “كم فيه عيلة هيك ياوطن؟.. الزبدة يا وطن انو المواطن بلش يفكر بالجريمة ليعيش بس ليعيش مو لشي تاني، تشريع الجريمة الممنهج في سوريا أصبح قاب قوسين أو أدنى”.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫6 تعليقات

    1. الرجاء ترك رقم هاتفه
      ليس من الإنسانية ان نترك شخص يموت جوعا

  1. هي واحدة من أنجازات القيادة الحكيمه التي حظي الشعب السوري بها .

    1. الخوف تكون مخبر وتاخده للفرع تسلخ جلده هيك شاطين انتو بدك تكون صادق بكلامك في كتير فقرا متلو مو ضروري هاد الخلق كفرت بكل الأديان ولسع أولاد القحبة المؤيدين ميسفقوا

  2. يعني القيادة الحكيمة رفقة محور المقاومة التعبان شو جابتلنا غير الشقة والتعتير؟
    لك خلينا نطبع مع اسرائيل وخلي امريكا ترفع كل العقوبات علينا وبنصير مالنا متل الدول العربية الأخرى المطبعة، وكمان أكيد ما رح ننسى قضية فلسطين.

إغلاق