تصريحات متبادلة بين احمد السقا و تامر حسني .. و الأخير ينفعل على معجب بسبب زوجته ( فيديو )
عقب تامر حسني على تصريحات الفنان أحمد السقا التي أدلى بها أمس في برنامج السيرة، وعاتب بها حسني على ترويجه لفيلمه “الفلوس” بصورته واسمه.
وكان أحمد السقا قال خلال استضافته في برنامج “السيرة” المعروض عبر قناة dmc، مع الإعلامية وفاء الكيلاني، حينما سألته عن شخص مستاء منه: “تامر جاملني في مسلسلي ولد الغلابة وظهر في أحد المشاهد، وقمت بنفس الأمر بالظهور في مشهد بفيلمه الفلوس، ولكن مع طرح الفيلم في دور العرض وجدت بوسترات للفيلم منتشرة عليها صورتي ومكتوب عليها بطولة أحمد السقا”.
وكتب حسني عبر “ستورى” صفحته بإنستغرام: “حبيبي وأخويا وصديق العمر ونجم الدنيا كلها أحمد السقا، كنت أتمنى انك تكلمنى بيني وبينك، ولو كنت زعلان من أى حاجة أو فاهم أي حاجة غلط، لأن الحاجات دي لا يمكن تفوتك، وأنا كنت أتمنى مكتبش الكلام دا هنا، بس عشان بعد كلامك في التلفزيون، الجمهور الكريم بقى ليه حق إنه يفهم الصح”.
وأضاف: “أخيرا بقى مستحيل الشركة تروج وأنا أفوت أو اسمح باستخدام اسمك كبطل في الفيلم وأنت مش فيه لأن دا هيعود علينا كلنا بالضرر لأن الناس هتدخل الفيلم مش هيلاقوا الكلام دا فهيبقى احنا كده بنضحك على الناس وضرينا الفيلم”.
واختتم كلامه: “أنت حبيبي يا أحمد وصديق عمر علشان كدا أنا اللي مش هزعل منك معلش طولت في الكلام لأن برضو زعلك يعز عليا”.
ثم نشر أحمد السقا منشوراً عبر حسابه على موقع ”فيسبوك” وجه من خلاله رسالة اعتذار إلى تامر حسني وجاء فيه: ”رسالة إلى صديق عزيز صديقي و أخي العزيز تامر حسنى .. إنت عارف اللي بيني وبينك عيش وملح وحاجات كتير .. قد أكون اخطأت إني اتكلمت في الموضوع ع الهوا ولكن يعلم الله كم كنت مجروحا وكم كنت حزينا”.
وتابع، بحسب ما اوردت صحيفة “القدس العربي”، : ”مش هاطول عليك أكتر من كده ولو أنا زعلت شوية وانت شوية نبقى خالصين يا عم .. تامر حسنى إحنا اللي بينا كتير ما تزعلش يا عم وحقك عليا وميعادنا الحفلة اللي جاية”.
و في سياق منفصل، انتشر عبر مواقع التواصل الاجتماعي مقطع فيديو للفنان المصري تامر حسني و إلى جانبه زوجته مصممة الأزياء والفنانة المغربية المعتزلة بسمة بوسيل، خلال تواجدهما في إحدى المناسبات.
ظهر تامر حسني في الفيديو وهو ينفعل على معجب حاول الاقتراب من زوجته، وقال له: “هتصوّر اللوز ولا إيه؟” ثم عاد يبتسم، بينما عبّرت بسمة عن انزعاجها من هذا الموقف.