وكالة أردنية : أردني يطلق زوجته بسبب دفاعها عن بشار الأسد
قالت وسائل إعلام أردنية، إن رجلاً في الأردن طلق زوجته بسبب دفاعها عن بشار الأسد.
وقالت وكالة عمون الأردنية : “لا يشرفني ان اكون متزوجا من انسانة تدافع عن مجرم اذا فأنتِ طالق، بهذه الكلمات انتهى خلاف بين زوجين أردنيين في نقاش جماعي حول الجرائم التي ترتكبها المليشيات الايرانية والروسية ومليشيات الاسد في حلب”.
وكان نقاش بدأ في جلسة جماعية حول ما يجري بمدينة حلب، وكان الزوجان من ضمن الجالسين، ولما احتد النقاش، ثارت حمية الرجل ضد زوجته التي تدافع عن جرائم بشار الأسد، فقام بتطليقها.
وقالت الوكالة إن الزوجين ناشطان سياسيان، ولم تذكر أية معلومات أخرى عنهما.
تسلم وتعيش يال النشمي . . والله شفيت قلبي . . لاتندم على هذا الفعل فمن يؤيد المجرم ويبرر أفعاله فهو مجرم مثله . . يقول الأمام مالك / من برر ظلم الظالم فهو الظالم بعينه
الحق معاه …………اللي تئيد مجرم يقتل الاطفال ويشرد الناس هي عديمة الاخلاق والانسانية والدين وممكن ان يتوقع منها كلشي
الله محي النشامى .هؤلاء هم الاردنيون الحقيقيون يكرهون المجرم بشار ونظامه العفن ,
يحار المرء في فهم عقلية العرب يريدون الحرية و الديمقراطية و لا يتحملون اي راي مخالف و زوج يطلق زوجته لمجرد راي سياسي و فحول القبيلة يهللون و يطبلون للنشمي الذكر الحمش الذي انتفض لساديته , يا ترى لو حدث العكس وزوجة طلبت الطلاق لنفس الامر هل كنتم لتتقبلون الفكرة .. عاش التخلف و الجهل
راي اخر لما بكون موضوع الخلاف مين احلة غنية مدرسة الحب ولا زيديني عشقا لكاظم الساهر!!! مو واحاد عم يقلك عش بشار الاسد يلي ازا اضافة لحلب في مئات الاف بالسجون نصهن ماتوا تحت التعذيب… بتعرف اديش في ناس بالسجون راحت بسبب تعليق عالفيس او تشابه اسماء وا ثار شخصي من شبيح بالحي؟! من يسمى بقيصر المنشق قدم 50000 صورة!! انا من هواة افلام الرعب.. بس متل هالصور ما مر عليي ولا بفلم!! فرق انك تكون مع وحدة سوريا وتقول الله يفرجها (اصحاب اللون الرمادي الغامق) او انك تسب ثوار الدولار يلي افشلوا الثورة عن انك تدافع عن بشار.. المشكلة انك جاهل بس مفكر حالك مثقف.. بما انك عابر سبيل روح اعبر لاوروبا وامسلك شرطي بالطريق واسالو اصول مكافحة الارهاب كيف بتكون.. 3 مسلحين محتجزين رهائن بكلفوا فوق ال 100 شرطي(كلام حقيقي فيكن تتاكدوا منو) يكونوا بالموقع ليامنوا سلامة الرهائن .. مو منسلخ المنطقة برميل ومنقول الله يرحم البرئ منهن!! وبطمنك لو العكس صار وامراة طلبت الطلاق لانو جوزها دراكولا الكل حيوقف معها.. ولا بيحكي على اساس مثقف.. يخرب بيتك الالمان عطوه لقيصر جائزة نورنبرغ للسلام وبشار رسميا مجرم حرب.. وانت عم تتهمو للرجل انو سادي لانو خاف يكمل حياتو مع امراة بها الافكار وطلقها..وين السادية ؟! شفتو قتلها شي!!؟؟ زلمة اتفاجا بافكار مرتو ما كان بيعرفها مسبقا وحقو الشرعي والقانوني يطلق.. انت غبي وكالة ولا اتدربت لصرت هيك؟!
شو خص السادية والحمشنة.. انت عم تقرا غير مقال شكلك؟! واحد اتفاجا بافكار مرتو يلي عم تدافع عن سفاح.. انا لو مرتي هيك حاعمل نفس الشي.. كيف بدي امن على حالي معها هي؟! الراي المخالف بكون لما الموضوع بكون مين احلى غنية لكاظم او من اطيب الملوخية ولا الكوسا محشي!!! مو بشار سفاح ولا لا !! اكتر متعاطف مع بشار ما بيقدر ينكر انو طريقتو بمكافحة الارهاب جريمة بحق الانسانية.. هي حاجي معك لاخر الطريق.. بشار عم يحارب ارهابيين منيح هيك؟! ومحاربة الارهاب برمي البراميل عالمدنيين؟؟!! بضرب كيماوي قريب من العاصمة؟! ولك افرض كل المسلحين ارهابيين.. طيب اطفالهن شو ذنبهن؟! روح اقرا عن قوانين واصول مكافحة الارهاب قبل ما تتفلسف!! ولك في ناس بتحلفلك يمين انو عرفوا انو في مسلحين بالحارة او الحي بعد ما اجا القصف.. مسلحين فاتوا بالليل والقصف بلش وش الصبح.. بتعرف..خطر ببالي سؤال.. لو اسرائيل احتلت دمشق واخدت اسرى من المدنيين.. جيشنا الباسل بحررنا بالبراميل؟! ومخابراتو بتعتقل جنود اسرائيليين وبتفرج عنهن بالمصاري بس يدفعوا!! متل المافيات؟! بشار حرق سوريا الى الابد كرمال يبق عالكرسي.. صار متلو متل هتلر.. اتخيل هلا واحد قدامك عم يدافع عن هتلر ويقول عنو بطل.. لا واتخيل انها مرتك.. بتبق معها؟! هيك نوع من الاراء بيعطيك فكرة عن اخلاق الشخص الواقف قدامك!! بس طلق مرتي لانها ما بتحب فيروز ابق احكي هالحكي!! وبس انا كون متل المذكورة بالمقال من حقها تطلب الطلاق!! وما حدا بلومها!! وصارت وحياتك مع احد الاقرباء بعيلتي والكل صف معها.. وحدة اكتشفت انو جوزها شبيح وصار برقبتو معتقلين وبجوز قتلى.. طلبت الطلاق منو واتطلقت وكل مين بيعرفها صفقلها!!! الموضوع ما خصو بذكر او انثى.. خصو بالاخلاق بعيد عنك!! عاش التخلف والجهل!!
عأساس انته ياباني مثلا ولا أوربي لتحكي على العرب … لك صار الي بفهم وما بيفهم بدو ينظر علينا روح طلع على حالك وعلى سلبياتك بعدين فكر تتطاول علينا …التخلف والجهل ما أجى الا من عندك … اذا بدك تحكي عن حرية الرأي كمان من حقو ما يعيش مع وحدة بتأيد مجرم وبالتالي يطلقها هذه بتلك
الاکاذیب الاعلام الفاسد هو السبب…
والله ياسيد هيك شعب بدو هيك إعلام
الخبر بقول زوج قتل زوجته لأنها دافعت عن بشار .. يعني الزوجة عبرت عن رايها قام الزوج بقتلها ..وهذا يلي عم بصير بسوريا .. هذا هو الأرهاب .. والشعب العربي عم بصفق مقلوبة عنده المفاهيم ..
يقول الخبر انه طلق زوجته ٠. لم يقتلها يا تيس !!!!!!
الى متغرب في بلاد الله.
من كتر القتل صرنا نشوف الدم بكل كلمة ..قرأت كلمة يطلق و لا وعي تبعي حولها ل يطلق النار .. عاادي بهل الايام السودا. بالنسبة لاسلوبك االوقح بالكتابة ما بدل غير على تربيتك بالبيت .
من ترك شيئا لله عوضه الله خيرا منه