تولين البكري : أنا مسلمة و مقيمة في دمشق و لم أسافر إلى الخليج منذ 5 سنوات

عبرت الممثلة السورية عن غضبها من أحدهم  دون أن تذكر اسمه، وطالبته بالكف عن اطلاق الشائعات الكاذبة وملاحقتها والتحدث عن حياتها الشخصية والعملية مؤكدة انها لا تمتلك أموالاً، ولا بيوتاً وإنها من أشرف الشرفاء.

ونشرت تولين بياناً على الـ Instagram، جاء فيه: “احتاروا والله حيرون شوبدون يطلعوا عليي إشاعات وكل مابسمع إشاعة بتدايق لدقايق بعدين بهدا وببتسم وبقول في الله ..بس كل الإشاعات كووووم والإشاعة اللي سمعتا اليوم عني كوم تاني..طيب يا…حباب-ة أول شي حابة ألفت إنتباهك لموضوع مهم..لما بدك تطلق-ي عليي إشاعة حبكها-حبكيها منيح مشان ماتصير-ي أنت مسخرة..يعني أول شي قول إشاعة تتصدق نوعااا ما مو إشاعة مستحيييل تنطبق عليي تاني شي قبل ماتفكر تظلم وتتبلا وتقول-ي أي إشاعة عن حدا تذكر كل (السيفي c.v الحقيقي تبعك) لأنو اللي بيتو من زجاج مابيرمي حجار”.

وتابعت : “تالت شي والأهم تذكر أنو هالحالة كارما ..متل طابة البينبون ..دولاب رح يلف ولابد مايجي يوم تسمع فيه نفس الإشاعة متلبسة أختك أو أمك أو بنتك أو أي حدا بيهمك..وآخر شي بالنسبة لقطع الأرزاق اللي فالح فيه بقلك..حسبي الله ونعم الوكيل فيك/ي”.

وختمت : “على فكرة وبكل وضوح وبساطة..-أنا مسلمة والحمدلله لكن بعشق كل الأديان والمذاهب.. سوريه#شامية#صالحانيه.. -لا بنباع ولابنشرى ولا بأي تمن واللي عندو اثبات على غير هالحكي يجي يكسر عيني ويواجهني.
-لا أملك مال وجاه وماعندي بيت ولكن مستورة والحمدلله.. -من 5 سنين ماسافرت لدول الخليج .. -ماعندي شي عيب مخبى ولكن حياتي الشخصية ملكي . -مكان إقامتي وسكني الدائم سوريا#دمشق”.