برلين تبحث عن حلول .. أين يمكن إسكان اللاجئين ؟ ( فيديو )
برلين تبحث عن حلول .. أين يمكن إسكان اللاجئين ؟ ( فيديو )
تابعوا أبرز و أحدث أخبار ألمانيا أولاً بأول عبر صفحة :
أخبار ألمانيا News aus Deutschland
قيم الخبر
التعليقات المنشورة لا تعبر عن رأي عكس السير وإنما عن رأي أصحابها
وكتير كتيرعليهم ناس بالاخر رح تعيش على حساب الضرايب من وراء كل الالمان الي بشتغلو وبكدحو ياحرام او حتى غير الالمان الي بشتغلو وفيهم دم وما بعتمدو على مصاري الدوله
والله يا ابو شهاب بعد يلي عملو بشار مبارح شكلك حتشوف لاجئين اكتر, السفاح عم يلم الشباب من الطرقات لياخدهن عالمحرقة او مايسمى بالجيش, عم احكي عن الماجلين والاحتياط, صدقني موجة اللجوء يلي شفتها مو شي, هلا حتبلش عن جد, في كتير شباب كانت قاعدة ومو مفكرة تطلع, ازا الك حدا موظف بسيرياتيل خلي يخبرك كم موظف تركو شغلهن بليلة وصارو بتركيا, على قولة الناس بالشام صار اسمنا كوكب زمردة, سؤال اخير…بعد كل هالتعليقات يلي ورجيتك انت ومثالك انو اللاجئين مجبرين عالشغل بعد فترة سنتين عالاكتر وانو حيرجعوا المصاري يلي اخدوها خلال خمس سنين عالاكتر من الضرايب يلي حيدفعوها وزيادة عدد السكان محسوبة نظرا للنقص يلي تعاني منه المانيا وحتى الزيادة بعدد السكان لدولة متل المانيا مافيها فساد هي ثروة لانو معناها دافعين الضرايب حيزيدوا واسال اي حدا بيفهم بالاقتصاد باكدلك كلامي!!ولساتك مصر انو الللاجئ حيقبض طول عمرو؟ ما عم افهم على امثالك بصراحة؟منين جايب فكرة انو اللاجئ حيقعد بالبيت مدى الحياة وينصرف عليه؟! بنفس الجريدة يلي عم تعلق فيها في خبر عن 400 الف طفل سوري في تركيا خارج المدرسة, عداك عن يلي عم يشتغل بنص اجار التركي بشكل اشبه بالاستعباد, ليش مستكتر عليه لها اللاجئ يجي وييشتغل بالمانيا بدل تركيا او لبنان ويبعت ابنو عالمدرسة بدل مو قاعد بالبيت؟ حتى بسوريا ما ضل شغل ونسبة البطالة 80% باعتراف رسمي!!! انت شو بدك بالزبط؟! يا ريت تفهمني رجاء وبدون اهانات, ناقشني بالمنطق بركي باقتنع منك!!!
مابعرف يمكن انت بتعرف اكتر مني بس بصراحه الواحد سمع كتير قصص من اللاجئين من جنسيات اخرى الي قدمو لجوء بالمانيا من عشرات السنيين ورواياتهم بتحكي بس كيف اتحايلو على الدوله وكيف فتحو محلات ومطاعم باسماء ناس بتشتغل وبتدفع ضرايب حتى يبقو ياخدو مبالغ ماليه من الدوله مع الارباح الي رح يحصلوها من هيك محلات او مطاعم انشاالله الواحد فينا بتمنى انو الكل يشتغل حتى نعطي سمعه ايجابيه عنا لكن ليصير هادا الشئ بدنا نستنى من سنتين لثلاث سنوات بعدها رح نحكم بس للاسف لحتى الان اغلب اللاجئين بسال بس عن المبلغ اللازم يحصلو من الدوله وبس
كلامك صحيحي نوعا ما. لانو هي كانت حالات استثنائية ومصاريفها لا تذكر.لانو لا تنس وعلى ذمتك انت انو فتح محل باسم حدا تاني.يعني عمليا فاد الاقتصاد الالماني بتشغيل عمال ودفع الضرايب.المهم بالمانيا ما تتهرب من الضرايب لانو هيي عماد الاقتصاد.انت عم تنخدع بايام العز تبع المانيا لما ما كانوا يطلبوا منو للاجئ انو يشتغل.هي الايام راحت.لحقوها اللبنانية.هلا مركز العمل عم يلحقو بالعصاية للاجئ.السوري يلي جاي يشتغل او يدرس حيرفع راسنا.ويلي جايي يشحد حياكل هوا رسمي.اخيرا انا بحذر اصحاب الشهادات ازا متاملين يلاقوا شغل هون بشهاداتهن السورية فانسوا.هدول يلي عن جد حيندموا انو لجاؤوا.لانو حيشغلوا المهندس قفا مكنة بشي معمل او كرسون بمطعم.الشغل بالشهادة صعب كتييير ازا ما كنت خريج المانيا.بكل الاحوال بالتوفيق للجميع وانشالله تكون وضحت الصورة للجميع
مشكور على توضيح الصورة وكمان معاك حق بالنسبه لخريج الجامعه السورية كمهندس الشغل هيكون صعب شوي لكن من جهتي انا خريج كلية الطب من جامعة برلين بالمانيا بصور بالنسبه للأطباء البشري طبعا الشغل اهون ممكن يحصل شغل اما خريج طب الأسنان من سوريا هيلاقي صعوبة كبيره ليحصل شغل وأخيرا التوفيق للجميع .