في تدخل لا ينتظر منه الكثير .. مركزي النظام يضخ دولاراً في السوق و يجبر شركات الصرافة على شراءه و بيعه دون عمولة !
قرر مصرف #سوريا المركزي ضخ ملايين الدولارات في السوق بهدف احتواء ازمة ارتفاع سعر صرف الدولار مقابل الليرة السورية والذي زاد بنسبة عشرين في المئة في يوم واحد.
واعلن المصرف في بيان “الزامه جميع شركات الصرافة ببيع المواطنين قطعا أجنبيا مباشرة بسعر 620 ليرة سورية مقابل الدولار الواحد دون تقاضي أي عمولات” بعدما كان حدد سعر الصرف الرسمي بـ513 ليرة.
ويأتي هذا القرار بعد انخفاض غير مسبوق في سعر صرف الليرة مقابل الدولار في الاسبوع الاخير، مع وصول سعر صرف الدولار الى 625 ليرة سورية في السوق السوداء.
وفقدت الليرة السورية اكثر من 92 في المئة من قيمتها منذ عام 2011، إذ كان الدولار الواحد يعادل 48 ليرة.
والزم المصرف المركزي “جميع شركات الصرافة بشراء مليون دولار ومكاتب الصرافة بشراء مئة الف دولار، على أن يتخذ قرار فوري باغلاق كل مؤسسة لا تنفذ طلب الشراء هذا”.
ويتدخل المصرف المركزي بانتظام لبيع الدولار الى شركات ومكاتب الصيرفة.
وقال المحلل الاقتصادي جهاد يازجي رئيس تحرير النشرة الاقتصادية الالكترونية “سيريا ريبورت” ان “الارتفاع الحاد في سعر الدولار ناتج في جزء منه عن سريان شائعة بان البنك المركزي لن يتدخل بسبب نقص احتياطي العملات الاجنبية لديه”.
واوضح ان “الاجراءات المتخذة ستهدئ الوضع مؤقتا لكن يمكن للدولار ان يعاود الارتفاع اذا لم يضخ المصرف المركزي الدولار في السوق بانتظام” مشيرا الى ان الامر لن يتخطى “بضعة ملايين من الدولارات لوجود خمسة مكاتب صيرفة كبرى فقط في دمشق الى جانب العشرات من المكاتب الصغيرة”. (AFP)
اسمو بنك سورية المركزي..مو مركزي النظام..هاد أولاً..
تانياً الناس الي بسورية عم تدوق الأمرّين من تلاعب التجار بسعر الصرف..ومن العقوبات الي ما بياكلها إلا الشعب..ومن الحرب الشرسة الاقتصادية على سورية..
و يلي معظمها بيعملها صفحات من برا سورية هدفها ضرب اقتصاد سورية..وهاد نوع من الإرهاب لأنو عم يقتل الناس بسورية بس بصمت..المفروض سعر الدولار يتحسن ويرجع لتحتال300 بعد التدخل الروسي وتحسن الوضع الأمني..ف هالارتفاع غير مبرر إطلاقا
الله ينتقم من يلي عم يتالعب بلقمة عيش الشعب السوري..من سورية أو برا سورية
دخلك والي عم يصرف مليارات لروسيا وايران اله علاقة بالموضوع ولا لمشكلة بالصفحات الي من برا سوريا؟ :)
طيب انا عندي سهل اكيد ومضمون..
غيروا محافظ حمص.. هههه
الى السوري الدمشقي الأصيل
كلامك أنو الله ينتقم من هالناس الي عم تلعب بلقمة عيش الشعب السوري هاد أنا معك فيه مية بالمية و لازم يتحاسبو عليه
لكن بالمقابل لازم تعرف أنو هالتجار الي عم تتلاعب بسعر الصرف هنن محسوبين على النظام السوري و كل واحد معروف مين وراه و مين عم يدعمو و يشاركو النهب و الاسغلال
و لولا هالدعم كنت لقيتهون هلق عم ياكلو ضرب و زل في سجون النظام
الأهم أنو متل ما نحنا لازم نحس فيك و بوجعك المادي فأنت كمان و أقصد الدمشقيين بالذات لازم يحسو بالناس ببقية المحافظات الي تعبت من القصف و الدمار و الجوع
يعني من الآخر المعنى هوي أنو مو عيش أنا و فليذهب الباقي إلى الجحيم
أخي الكريم..بوجهلك كل الاحترام لأنك محترم بكلامك معي..
والله الدمشقيين بدهم سلتهم بلا عنب وما عاد سألوا لا عن الحرب ولا عن شي..عم يموتوا باليوم ألف مرة..أنا عم بنقلك الواقع يلي شايفو بعيني..
هنن قلوبهم مع كل سوري بسورية أو برا سورية..وبدهم هالحرب المجنونة يلي ما حدا الو فيها ناقة أو جمل توقف اليوم قبل بكرا..ليوقف القتل ويوقف التدمير ويرجع الوضع الأمني أحسن شيو..وبالتالي الوضع الاقتصادي
والله الناس كرهت السياسة وكرهت الحرب وصار بس بدها تأمن لقمة عيش ألها ولولادها
بس في ناس مستفيدة ما بدها الحرب توقف..وصدقني هالناس مو دمشقيين..وحتى معظمهم مو سوريين..ف ليش ما نحنا كلنا السوريين مع بعض نوقف وقفة وحدة ضد كل حدا مو سوري ونتصالح وننسى القتل والدم ونسامح بعض ونرجع لطبيعتنا..ما في حدا ما رحلوا حدا
كل بيت في قتيل..وإزا لا هاد رح يسكت ولا هاد رح يسكت والله بحياتها ما رح تخلص الحرب..خلونا نسامح …وأزا مو مشاننا..مشان ولادنا..والله كنا عايشين عيشة بتحسدنا عليها كل الدول العربية يمكن عدا الخليج..وحتى تركيا وقبرص يمكن كانوا يحسدونا!!
الشغلة ما عاد شغلة نظام ومعارضة..الشغلة صارت أكبر من هيك..على كل سورية وكل سوري..
والله مالنا غير بعض..خلونا نحط عقلنا براسنا ونتفاهم..أحسن ما يجي غيرنا بتفاهم علينا..لأنه والله ازا نحنا ما سألنا عن حالنا..ما حدا رح يسأل عنا..وما حدا هامموا شي..سمحوا دولة بتجنن أنها تتدمر عن بكرة ابيها خلال 5 سنين..
هاد كفر بحد زاته وأكبر دليل أنو ما حدا سائل عنا..ف رجاء حطوا الحقد والطائفية عجنب وحبوا بعض..وبس
إلى سوري دمشقي أصيل لاتحط اللوم على فلان وعلتان خلي بشار المجرم وجماعتوا من ال مخلوف وشاليش ورفعت المجرم بيرجعوا مليارات الدولارات من حساباتهم برات البلد بعطيك ضمان راح يصير الدولارب 45 لليرة وممكن اقل بالنتيجة أموالهم يلي سرقوها من الشعب تعادل موازنات دول
سبحان الله …السوري الاصيل نسي من كان ينهب الشعب السوري لمدة 40 سنة ونسي أن النفظ والغاز كان محتكرا على الزمرة الحاكمة والحزب القذر ونسي من باع الدولة السورية لايران وشيعة لبنان والعراق مقابل حمايته ونسي من يتلاعب بأسعار المواد الغذائية والمواد الرئيسية فى البلاد ونسي أن العائلة الفاسدة هي من أسس نظام الرشوة والفساد الاقتصادي قبل الثورة …..ونسي أن دمر الاقتصاد السوري هو من قمع الثورة السلمية فى بدايتهاوأدخل المليشيات الطائفية القذرة المتخلفة من أصقاع الارض لقتل الشعب السوري الاعزل و لتستعر نار الثورة وتحرق الاخضر واليابس فى البلاد ..يأتيك الاصيل لينسي النظام ويلوم التجار الذين وجدوا فرصتهم لتعويض خسائرهم من دم الشعب المسكين .
كلام عاطفي وغير عقلاني وغير دقيق