في السويد .. طبيبة سورية تعمل في مطعم ” برغر ” و تعبر عن ارتياحها بانتظار الفرصة الأفضل
تعاني مقاطعة نوربوتن السويدية، من نقص العاملين في المجال الطبي وبالأخص الأطباء، ورغم ذلك، فإن لاجئة سورية في إيفركوليكس تعمل في تحضير “البرغر”.
وتعمل الطبيبة السورية في مطعم بفيباباكن، وكانت قدمت من دمشق إلى السويد، وهي طبيبة لم تكمل الاختصاص بعد أن أجبرت على الرحيل، على حد تعبيرها.
وأضافت في تصريح للتلفزيون السويدي، بحسب ما ترجم عكس السير : “انتظرت الحصول على الإقامة أكثر من سنة، هذه التجربة جديدة بالنسبة لي، ولكنهها ممتعة وأشعر بالارتياح، كما أنني أعيل نفسي”.
وتشير الإحصاءات إلى أن 85 % بالمئة من طالبي اللجوء في نوربوتن اختاروا مغادرة المقاطعة والانتقال جنوباً بعد حصولهم على تصريح الإقامة.
وتضيف الطبيبة : “وددت العمل كطبيبة وحاولت الحصول على تدريب عملي، حاولت ذلك في مشفى Kalix لكنني لم أتلق رداً بعد”.
بعد الصدمة الأولى بسبب الطقس والبيئة المحيطة، تعبر الطبيبة عن سعادتها في إيفركوليكس، رغم أنها تخطط في نهاية المطاف للتوجه جنوباً كغيرها.
وتختم : “لدي العديد من الأصدقاء، وهم يحاولون مساعدتي، إنه شعور جيد”.
انصحك بعدم المكابرة اخلعي قطعة القماش فوق رأسك – المجتمع السويدي لا يقبل الغرباء بالشكل
قطعة القماش!! حلو كتير… معناها انت عارفة انها مجرد قطعة قماش.. شو هالاستشراس على خلعها؟! طيب على فرض خلعتها وصارت متل كتير سوريات قابلتهن بحياتي وحدة مسلمة بس غير محجبة بتصلي وبتصوم وما بتشرب ولا بتاكل خنزير ولا بتصاحب ولا بتام برا بترضي عنها حضرتك؟! لما المشكلة بكل يلي ذكرتو وانت اختصرتيهن بقطعة قماش؟!!
غبية انتي على هالنصيحة ومآنك تندمي لكن بالوقت المناسب .. يكون بعلمك الأوروبيين بيحترموا من يحترم نفسه وحضارته وليس من يقلدهم ! هالكلام نابع عن تجربة 25 سنة بأرقى دول أوروبا .. من أرضى الله وأغضب الناس رضي الله عليه وأرضى الناس عليه .. ومن أغضب الله وأرضى الناس غضب الله عليه وأغضب الناس عليه .. بالأول اعرفي شو معنى قطعة هالقماش ومين أمرك تحطيها على راسك وبعدها انصحي الآخرين .. الجوهرة تكون مغطاة وممنوع لأي كان لمسها أو مشاهدتها !! الحجارة على قارعة الطريق بين أقدام الناس !! والمرأة في الإسلام جوهرة وليست حجر !
قلعي قطع القماش عن باقي جسمك بتلاقي فرص أحسن… كل ما انسدت الدنيا بوشك قلعي
بدك تتقني لغة و لغة طبية بالسويدي و تعدلي شهادة و لابسة حجاب و بدك مشفى يقبلك
وهي حاعمل متلك وعلق مرتين بس بنفس الاسم… شو دخل تعلم اللغة بالحجاب؟! معلش جايي على بالي افهمها هي بركي عندك نظرة جديدة عالجنس البشري مو سمعانين فيها!؟ يعني درست طب بحجابها بس ما بتقدر تتعلم لغة بحجابها!؟ خليها تتعلم وتعدل شهادتها وتقدم وبعدها السويديين احرار حبوا يشغلوها بشغلوها ما حبوا في دول تانية بتبوس رجلها تشغلها… هي طبيبة اختصاصية مو طالبة بكالوريا!؟
قرأت الخبر فحزنت لما آل اليه وضع اهلنا في دول الاغتراب ولكنها ضريبة لا بد من دفعها ولو الى حين
واني اذ انحني احتراما لهذه الانسانة ادعو لها بالتوفيق من كل قلبي ووجداني وصبرا فانك ستجدين فرصتك
ولي عتب على السادة المعلقين انهم اهتموا بالتعليق الاول وكاتبته والذي لايستحق حتى كلمة منكم بل اتركوا صاحبة التعليق الاول تتحدث لنفسها لان صاحبة الخبر باعتقادي اهم للحديث معها وعنها واكبر بكثير ولن تهتم لنصائح من قبيل ما قيل
معك حق تركنا اللب والحقنا القشرة… بس اتاكد تماما اني ما عم انصحها… عم افضحها الله وكيلك… واقرا يلي كتبتو بتتاكد… هي ما رح ترد على قصة قطعة القماش.. لانو مو هي الهدف ودائما تستعمل غطاء وسخ لاشياء اخرى.. لانو المقصود دائما الباكيج يلي بيجي تحت قطعة القماش ووضحتو نوعا ما بردي… شكرا للتذكرة وتحياتي!!
الله يقويكي .. يلا منو لأحسن .. هلئ عم تساوي همبرغر بكرا حتساوي مأكولات شامية بتلمعي فيها صورة بلدك .. بس يشغلوكي دكتورة بالسويد ؟ حلو الطموح بس بحدود ..
بس تاخد شهادة التاسع انشالله بتترقى شوي بتعليمك وفكرك و بتكتشف انو في 18 الف طبيب سوري في المانيا فقط… هلا لساتك صغير باعذرك انك ما بتعرف هيك معلومة…اساسا شهرة السوري بالمانيا كانت انو طبيب… بس تاخد التاسع خبرنا لنباركلك!!
كاره للاغبياء كيف بتكره حالك مابعرف؟ شوزوفرينا عالغالب. كانو باروبا بيعرفو الفرق بين اسوري ولعربي اوالمسلم. ناقص تقول انوالرعاية الية بفضل السوريين؟ يا عمو كل القصة انو نحن شعب بيحب البروظة عالفاضي. الشباب باروبا معظمهم بيفضلو المعاهد ليدخلو سوق العمل بسرعة
الله وكيلك ما باكره غير امثالك من الاغبياء..مين جاب سيرة بقية الشعب؟! وحدة.خريجة طب بشري من سوريا بدها تعدل شهادتها وتشتغل طبيبة بالسويد… في الاف مؤلفة عملوا متلها لهلا.. الفرق انها ما معها مصاري تصرف على حالها حتى تخلص تعديل متل غيرها فاضطرت تشتغل.. عادة الطبيب السوري يلي بعدل بالمانيا بيدرس اللغة بسوريا وبحضر لامتحان التعديل ما امكن بسوريا وبيطلع كم شهر بيعمل فيهن ستاج مدفوع وبعدها دغري على فحص التعديل… وعدد الاطباء السوريين يلي ذكرتو صحيح يا ريتك انضربت على قامتك بس فقت من الحشيش واتاكدت قبل ما تورجينا غباءك الفظيع!! انا ما قلت كل السوريين اطباء… انا رديت على سخيف متلك عم يتمسخر على وحدة ما بيوصل لصرمايتها… بدي افهم مين جاب سيرة بقية الشعب وتفصيل الاكادميين السوريين اديش طب واديش معاهد؟! كلامك صحيح انو في كتيير بفضلوا المعاهد والتدريب المهني للشغل…. بس هاد لا ينفي الرقم المذكور اعلاه… وهي المصدر تبع الرقم
http://www.3ksalser.com/?page=view_articles&id=2008458dac28f834923cfe9c2d3fdfe9
صديقي محشش.. اهنئك على تعاطي الصنف الفاخر!!!
بحيات اللي خلقك قللي كم واحد لاجئ فيهم لهدول الـ١٨ الف طبيب السوري يلي عم تفتخرلي فيهم .. أنا بعرف انو (كانت) شهرة السوري بألمانيا وبأوروبا كمان يا طبيب أو مهندس لأني انا واحد منهم مع انو ما معي حتى شهادة تاسع هههه .. ومع دخول حبيباتك اللاجئين سمعت السوري بألمانيا صارت لاجئ وداعشي ومغتصب نسوان وازعر وممثل اباحي وكل الأوصاف يلي بتقولها عن حثالات المجتمع .. بس يلا قررربت وحبيبتك ميركل رايحة قريباً ..
لك وينك من زمان؟! ولك انا بادفع لامثالك مصاري حتى يعلقوا هون!! انت يلي بتاثبت انو انا ما عم بالغ لم بتخليني احتقر امثالك من المغتربين القدماء… هي طبيبة لاجئة وعم تتمسخروا عليها وزعلانين السويد قبلتها.. حتى تتاكدوا بس انو الحكاية حسد وغيرة وبس!! ولك الله يسلم ايديك على هالتعليق…. اما نة عليك تكتر من هدول التعليقات… في كتير ناس عم يفكروني عم بالغ… هي لاجئة طبيبة وما نالت الرضا… لالها ازعر ولا حرامي ولا متحرش…طبيب قلتلي!؟ يعني عارف منيح انو كلامك علاك وتعديلها وشغلها كطبيبة مسالة وقت متل ما عملت انت وغيرك من الاطباء!! ومن سوء حظك ال 18 الف طبيب احصائية.عام 2010 قبل ماساة اللجوء… بكفيك لهون.حاجتك!!
لحظة لحظة… ولك هلا انتبهت.. انت متضايق انو في من اللاجئين اطباء!؟ شفلي كم لاجئ منهن هدول ال81 الف؟! ولك يا ريتهن كلهن كانوا لاجئين!!! برافو… والله عم احكي جد.. امانة عليك تكتر من متل هاد التعليق يا دكتورنا العظيم… فشيتلي قلبي والله…عم تجيني لحظات عم فكر اني عم اظلمكم… بيرجع امثالك باكدلي انكن بتكرهوا حتى اللاجئ الطبيب.. يعني القصة لا مسالة سمعة ولا هم يحزنون.. غيرة وحسد وشوية امراض اجتماعية من سوريا متل ما بوصفها انا تماما!! تحياتي الك من القلب دكتور تحسين !!
لحظة لحظة… ولك هلا انتبهت.. انت متضايق انو في من اللاجئين اطباء!؟ شفلي كم لاجئ منهن هدول ال18 الف؟! ولك يا ريتهن كلهن كانوا لاجئين!!! برافو… والله عم احكي جد.. امانة عليك تكتر من متل هاد التعليق يا دكتورنا العظيم… فشيتلي قلبي والله…عم تجيني لحظات عم فكر اني عم اظلمكم… بيرجع امثالك باكدلي انكن بتكرهوا حتى اللاجئ الطبيب.. يعني القصة لا مسالة سمعة ولا هم يحزنون.. غيرة وحسد وشوية امراض اجتماعية من سوريا متل ما بوصفها انا تماما!! تحياتي الك من القلب دكتور تحسين !!
انا غيران منها ؟؟ يا زلمة انته مو طبيعي .. انت قريت الخبر أكيد ؟؟ عم تقول انو بدها تحسن لغتها وقالت انو (ما كملت اختصاصها) يعني ما معها شهادة تعدلها يا فهيم .. قال كاره للأغبياء قال هههه .. بعدين من شو بدي غار منها ؟؟ وشو رح تعملي هالمخلوقة أصلاً عم تشتغل وتساوي برغر الله يحرسها ويستر عليها .. لك بعرف غيرها كتير كانو طلاب محاماة واقتصاد بسوريا وهربو وصارو لاجئين هون وبالامارات من تلت سنين وهني عم يشتغلو بمطاعم جلي صحون وغراسين لأنو بيعرفو انو مارح تتعدل شهادتهم لأنو ما معهم شهادة ولغة من الأصل .. انته مو طبيعي عم تحاول تلمع صورة اللاجئ بالرغم من كل يلي عم يصير ونسمعو بس انته بتضل بتدافع عنهم بطريقة مو معقولة لدرجة انو انعميت وبس صار همك انو تواجه المغتربين القدماء يمكن لأنك ما وصلت لمستواهم فقاعد عم تحاربهم .. دافع عليهم قد ما بدك لأنو قررربت وماما ميركل باي باي
انا قريت انت شكلك يلي ما قريت…. حبيبي هي طبيبة يعني خالصة 6 سنين دراسة تبعات الطب ومبلشة اختصاص داخل سوريا… يعني بعد الست سنين… اساسا مين بيختص بسوريا غير الفقير يلي ما معو تكاليف السفر!؟ ومين يلي قلك الشهادات ما بتتعدل؟! بتعرف كم مهندس قابلت كلو عدل شهادتو وفات يكمل ماستر؟! بتعرف كم واحد عرف انو شهادتو السورية حقها فرنك تركها وفات يعمل باتشلور او اوسبيلدنغ من الاول؟! بتعرف اني جايب قبول طب وقبول صيدلة بايدي للاجئين بمدينتي ؟! بتعرف انو بالجامعة عندي عملوا مكتب خاص للسوريين وقبولاتهم من كتر الاعداد تبعهن واسالتهم مشان التعديل؟ روح نضف قلبك مشان تقدر تشوف منيح…متل مافي لاجئ شوهلك سمعتك في كتير بيرفعوا الراس…انا بس بدي افهم شو يلي خلاك تفكر انو المخلوقة ما معها شهادة!؟ ولك حتى لو…احد اصدقائي سافر معي لالمانيا قبل ما يتخرج..عدلولو موادو يلي قدمها وخسر شوي منهن وكمل دراستو..دارس سنتين ونص بسوزيا حطوا سيمستر رابع يعني خسر بس سنة!! حكيك هاد للفروع الادبي يلي منهاجها بين سوزيا والمانيا مختلف كليل.. ام فروعة العلمي يا جهبذ بتخسر شوي بس بتعدل حتى لو ماكنت متخرج.. وازا متخرج بتعدل وبتكمل ماستر دغري.. روح اسال ازا مو مصدقني.. شعب روح قلبو التصفيق لفشل اخوه.. بس مو غيرة ولا حسد ديروا بالكن… ذكا بعيد عنكن!! ولك حاج تضحك على حالك انا معاشر من نمرتك كتير هون..ولك في ناس متلك رح تنتحر من غيرتها لانو صديق او قريب صار بالمانيا وحيدرس متل ما درسوا بعد ما كان هالشي حلم بالنسبة الو بسبب سوء الاوضاع المادية…كيف هيك..بيجي بياخد اقامة ولغة عحسابهن وراتب شهري بافوغ طول مدة الدراسة مالو مضطر يشتغل اثناء الدراسة ويلتعن ابوه متلك…هالحكي مو تاليف….سمع ادني والله من واحد درس ـمعي وميت كيف ابن عمو اجا لالمانيا!!! على كلن اهم الشي بالموضوع انك طلعت مو طبيب…لانك لو كنت طبيب كنت افهمت انها متخرجة وبدها تختص بس… هادا عزائي الوحيد لانو المانيا مو لازمها طبيب من نمرتك بيشمت بطلاق ستو!! بدل ماانت تساعد السوريين بالتعديل وتنصحهن؟! معك حق انا يلي مو طبيعي!!!
الشغل مو عيب و الحجاب أمر من الله و الرزق على الله.
ستجدين الفرصة فانت طبيبة ومتعلمة اعرف طبيبا جاء الى احدى الدول العربية وعمل في مجالات خارج تخصصه ثم في اول فرصة له بالعمل الطبي ابدع واثبت موجوديته وهو الان ناجح بكل المقاييس لان العلم الطبي هو القمة ومن وصل القمة يسهل عليه العمل بالسفح دون عناء فالذكاء لاينقصه
هههههههه في شريحة من الشباب بكرهو الاسلام لدرجة انو واحد منن بعلق مرتين باسماء مختلفة على اساس انو اكتر من واحد … دليل غباء وضعف
ههههه زعلانة أنه دكتورة و عمتعملي همبرغر، تعالي ع كندا و شوفي هون الناس بتيجي هجرة نظامية مو لجوء (ما عمبحكي عاللي جابتن الحكومة اخر سنة) يعني كل سنة بيفوت ع كندا 250 ألف مهاجر من ذوي الكفاءات يعني أطباء ومهندسين و دكتوراة و ماجستير ز ‘ذا صحلن يعملو همبرغر بأول سنة بيكون الله رضيان عليهن و إذا اشتغل بالطب بعد عشر سنين بيكون كمان الله رضيان عليه . شو مفكرة الحياة الكل ناطر الشهادة تبع الدول العربية، نصيحتي اشتغلي بأي شغل شريف و انسي الطب لبين ما تتعلمي تحكي سويدي و تبلشي تعدلي والله ييسر