ألمانيا : افتتاح ” مطعم سوري ” يؤدي لعرقلة المرور و يستدعي تدخل الشرطة ! ( فيديو )

اضطرت الشرطة الألمانية للتدخل، عقب احتفال عدد من السوريين، بافتتاح مطعم جديد، هو الثاني من نوعه، في مدينة ميونخ الألمانية.

وقالت صحيفة “تاغس تسايتونغ” الألمانية، الخميس، بحسب ما ترجم عكس السير، الاحتفال وقع وسط شارع لاندفيرشتراه، حيث قام أكثر من مائة شخص، وخاصة من الشباب السوريين، بالاحتفال مساء الأربعاء، بافتتاح مطعم “بيت الشام”.

وأضافت الصحيفة أن الاحتفال صاحبه قرع الطبول، ومكبرات الصوت، حيث غنى الشبان ورقصوا بسعادة في الشارع.

إلا أن حركة المرور تعرقلت على نطاق واسع، من قبل الأشخاص الذين احتفلوا بجنون، وكان على الشرطة أن تتدخل، لأن العدد المرتفع من الحاضرين شكل مظاهرة غير معلنة.

بعد ذلك دخل الضيوف على الفور إلى المطعم، لمواصلة الاحتفال هناك، وبعد نصف ساعة، كان الطريق مفتوحاً مرة أخرى لحركة المرور.

وكان المضيفان محمد المصري وكانوس أشبيرو مرتاحين بالطبع، وأضافا أنه في سوريا تحتفل الناس دائماً وأن الغناء والرقص في بلادهم على جدول أعمالهم دائماً وليس هناك حاجة لمناسبة خاصة.

وذكرت الصحيفة أن المطعم الجديد الذي يقدم الشاورما، هو المطعم السوري الثاني في ميونخ، بجوار مطعم باب الحارة، الذي يبعد بضعة أمتار فقط، في شارع لاندفيرشتراه.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫27 تعليقات

  1. نحنا عنا الطبل والزمر ضروري، ومتأثرين كتير بباب الحارة ومنتجه بس السؤال هذا المطعم تم تمويله من الجوب سنتر؟

  2. قانون السلاح الالماني يجرم من يحمل في العلن سكيناََ بنصل يزيد طوله عن 12 سم والشباب الطيبة حاملة سيوف!!! جهل ام تجاهل لافرق. تعليقات الالمان على الحادثة في المواقع الاخبارية تشير الى تزايد اصحاب الرأي السلبي عن السوريين وعن تعاطي الحكومة والشرطة الالمانية معهم.

  3. طيب منيح. بس ليش زينو المرجة والمرجة لينا وتركتوها وطلعتوا؟؟؟؟؟

  4. بالامس تناقلت وسائل التواصل الاجتماعي فديو لعضو مجلس الشعب السوري محمد قبنض وهو يلقي كلمة ( تاريخية) عن اهمية الطبل والزمر في حياتنا كسوريين ربنا ما يحرمنا من الطبل والزمر ومحمد قبنض والقائد الذي لا يكفي ان يقود سوريا وحدها بل العالم باسره

  5. بتحط واحد سوري في مجتمع راقي , علمي او فني او او او ..بيتصرف مرة كسوري .. بيطلعوا فيه بنظرات ازدراء .. ما بيعملها مرة تانية .. بالنتيجة ومع الزمن بيتصلح و بيطلع معو شي .. وما بيفرق شي عن العالم ياللي حواليه .وطبعا الاعلام ما بيسكت وبيصرعوا راسنا بالابداع السوري .
    بتحط جماعة سوريين مع بعض بأرقى .. بيقلبوا فورا لباب الحارة .. القيم الاجتماعيه عندهم تتناسب مع مين ياللي بيطلع معو تصرفات بهدلة اكتر ..
    والمشكلة بسورية انو فيها سوريين كتير ..

  6. على بعد عدة أمتار مطعم باب الحارة ! يعني على شاكلة شارع العرب في برلين .

  7. الله يباركلكم ويفتح عليكم وتكونوا ان شاء الله اسعار معتدله ونوعيه اكل عاليه وطيبه متل مطعم الدمشقي ببرلين وغيره من احلى شباب واهل بلدنا الطيبين الشرفا. والله بمطعم الدمشقي بكوني هل الشباب وصباب القهوه لانهم ذكروني بالشام الي صار لي عمر ما شفتها. الله يفرجها عل الجميع يا رب . ومره تانيه الله يباركلكم ويرزقكم انتوا وكل المطاعم العربيه والتركيه .

  8. والله العراضة هي تنتمي لاسوء انواع الفن الهابط. كلها زعبرة وعياط

  9. كان جدي يقول شعب مابيجمعوا غير الطبل ومابتفرقوا غير العصاية، صدقت والله.

  10. شو هل مسخرة هي!!!؟
    يعني طبل وزمر مشان مطعم وإحتفال جنوني
    ناس طائة فيوزاتها!!!

  11. والله مافيها شي يستاهل النظرة السلبية
    جماعة عم يفتتحوا مطعم .
    ان شاء الله كل اللاجئين بيشتغلوا و بتتيسر معاهن.
    رجاء تعليقات كلها سلبية يعني خلينا للجوب سنتير مرهونيين بيكون افضل برأيكم

  12. والله مافيها شي يستاهل النظرة السلبية
    جماعة عم يفتتحوا مطعم .
    ان شاء الله كل اللاجئين بيشتغلوا و بتتيسر معاهن.
    رجاء تعليقات كلها سلبية يعني خلينا للجوب سنتير مرهونيين بيكون افضل برأيكم

  13. شعب بلا ذوق.. قمة في النورنة. مفكر حالو بالشام الاخ ومسكر الشارع ونازلين جعير وسيف و ترس و منافخ و عنتريات. ياريت تحطولنا المقطع لما بتيجي الشرطة و بيبللش الركض متل الجرادين.

  14. محل شاورما بده ه ه العراضة كلها؟؟ .. تانيا الأتراك معبيين ألمانيا شاورما من خمسينيات القرن الماضي .. يعني يلي مفكر انه عامل اختراع كبير يكون غلطان.. اصلا العالم بطلت تاكل شاورما هون لأسباب صحية في إنتاج اللحمة .. انا ما باكل شاورما عند عرب أو إتراك لو مت من الجوع. ..بيحطو فيها اسوء وارخص انواع اللحمة يلي كلها هرمونات وبيقلك كول.. لا ما بدي ه الاكلة..

  15. إعملوا رجال وسيف وترس في بلدكم وليس في بلد لايرى فيكم سوى بضعة مهرجين رخيصين حتى وإن إبتسموا لكم، على كلآ الحق على بشار الجحش يلي ربط حالو وفلتكم.

  16. العراضة و من فيها، لباس مقرف و ثقافة مبنية على التفاهة حتى شكول و رقص هالقرباط يدعوا للتقيء، و كأنه تاريخ سوريا شروال و صياح و طبل و زرناية،
    اذا نجحت بالانتخابات الرئيسة راح اصنف العراضة مثل الشذوذ، لانه كلشي فيهون شاذ شكلاً و ثقافة، و راح اشحط اي واحد (يعارض) عفرع فلسطبن.
    و هالباب الحارة الخ….. راح انسفوا هو و الفيلسوف قنبيض ببرميل.

  17. ومن قال لك بأن الاسلام يعني الطبل والزمر با فهمان
    هذه من منتجات الساسة الذين حكموا وهمهم التطبيل والتزمير ليلهوا الشعوب
    والحثالة والتخلف هم أمثالك الذين يريدون اقحام الدين الاسلامي بكل تخلف رغم أنه نقيض ذلك فهو دين العلم والأخلاق

  18. هذه عادات ببلادنا يقام احتفال صغير عند فتح المحل كنوع من الدعاية
    ولكن عندما تكون في بلد أخر يجب التقيد بقانونها حتى لا تتعرض لأي إشكال

  19. العراضة والفشخرة والبهورة والقرقعة موروث حمله اشخاص في سورية علنوا من الفراغ والجهل بفعل الاقطاع الذي نافق مع الاحتلال الفرنسي وقبله العثماني الذي لوحده فقد حرموا من التعلم ومخالطة الحضارات الأخرى وهم في زوال ولكن مسلسلات باب الحارة ألقت وسيلة تنقلهم الحمارة .والانسان بقدر سرعته بقدر حجم اهتماماته .

  20. مطعم حلو وأكلة كلش طيب بس خدمات الگارصون مو زينة اتمنة معالجة الأمور بأسرع وقت