” هذا فن و ذاك فن أيضاً ” .. سيدة سورية تنتقل من صنع المجوهرات إلى السباكة و هذه قصة نجاحها ! ( فيديو )

تحولت سيدة سورية من صائغة مجوهرات إلى عاملة سباكة، وأسست شركة تحلم من خلالها بتوسيع أعمالها وتطويرها، في الأردن.

وقالت السيدة صفاء سكرية (44 عاماً) إن “نقطة التحول كانت بين السباكة والإكسسوارات هي كبيرة كثير، بس أنا عملتها صغيرة كتير، اعتبرت هذا الفن مثل ما هو الإكسسوار فن والسباكة كمان فن”.

وكان سكرية تقدم دورات في مجال الاكسسوارات، وفي الوقت ذاته تنخرط في دورات مختلفة استفادت منها لاحقاً.

وعن بدء عملها في السباكة، قالت: “من ضمن الدورات سمعنا بدورة اسمها سباكة، خطرلي فوراً كونه شغلي بالاكسسوار اجا في بالي سباكة الذهب، يعني ولا خطر على بالي نهائيا انو سبكة هي موسرجي (سباك)”.

وأضافت: “فكرت في بيتي.. أنو أنا ببيتي كتير بحاجة لهلشي وفعلاً كنت بدي اجيب موسرجي و لقيتها صعبة كتير اني افوت رجال على بيتي فرحنا التحقنا بالدورة ، ماحدا كان عارف نهائياً لا بحارتي ولا اهلي ولا حدا بيعرف يعني رحت على السكت كنت مستحية”.

وأكملت: “انا فتحت شركة و شركتي هلا صارت شغفي ، اني لقدام شو بدي اطور و شو بدي اعمل و شو بدي اكبر ،الشي الوحيد يلي منشتغلو نحن اللي هو .. بنعمل صيانة كاملة للبيت ، مساعدة زوجي لالي انه بالبداية هو ماكان قبلان يعني و اعترض بلأول شوي يعني اعترض انه لا.. وشلون وسباكة ؟! قلت له انا ظروف الحياة هي انه اللي بتخليك تتحول يعني نحن مضطرين نكون هيك فالحمدلله وقف جنبي”.

مزيد من التفاصيل في الفيديو المرفق.