سلاف فواخرجي تبني جسراً لـ ” مساعدة السوريين على مقاومة الشتاء القاسي “

أطلقت الممثلة سلاف فواخرجي، المعروفة بمواقفها شديدة الموالاة لبشار الأسد وجيشه، حملة “جسر” لـ “مساعدة السوريين في ظل ظروف البرد القارس” متبنية الحملة من خلال صفحتها على “فيسبوك” على مدار أسبوع.

وكتبت فواخرجي: “ببلدنا الأزمات ماعم تخلص، واحتياجات الناس أكتر من القدرة عالاحتمال، خاصة بهالشتوية القاسية على #سوريا، بس قد ماكان الوضع صعب وصعب كتير، مالازم نوقف عن التفكير بغيرنا، ومو بس نفكر ونزعل ونتعاطف، لازم نعمل شي …وأكيد نحن قادرين نعمل أي شي ونساعد بعض، هيك تربينا، وهيك تعلمنا وتعودنا … مامنشبع وغيرنا جوعان ولا مندفى وغيرنا بردان … كل واحد فينا قادر يقدم ويعطي، وقد ماكان هالشي بسيط، أكيد بيعمل فرق والفرق اللي منشوفوا صغير ممكن يكون كتيركبير عند بعضنا”.

وأضافت: “لهيك فكرنا بمبادرة تكون من خلالها هي الصفحة #جسر بين اللي قادر يعطي وبين اللي بيستحق ياخد … كل حدا فينا، أشخاص، شركات، مؤسسات، اللي جوا أو برَا البلد.. كل مين قادر يساعد، يكتبلنا ونحنا منكون جسر بينه وبين اللي بيبعتلنا احتياجاته، او احتياجات ناس بيعرفهن سواء عالعام أو عالخاص …ناطرين تفاعلكم على مدى سبع أيام، لنشكل معكم #جسر_تواصل ، #جسر_محبة وعطاء… والسعادة الحقيقية بتكمن بالعطاء … #جسر لسبع إيام من 19 لـ 25 كانون التاني 2019”.