” اذهبوا إلى منازلكم سوريا تحتاجكم ” ! .. إعلانات طرقية ترعب السوريين في ألمانيا هذه حقيقتها و الجهة المسؤولة عنها

شاهد الآلاف من سكان برلين ملصقات صادمة، على لوحات إعلانية، وضعها يمينيون متطرفون، في محطات المترو ومحطات الحافلات.

وذكرت صحيفة “بيلد“، الخميس، بحسب ما ترجم عكس السير، أن الملصقات التي تمت مشاهدتها صباح الخميس، علقت في الواجهات المخصصة للإعلانات، التي تؤجرها شركة “فال” اﻹعلانية.

وظهر في أحد الملصقات يد ترفع شارة نصر ملونة مع خلفية يظهر فيها علم نظام بشار الأسد، وكتب عليها بحروف كبيرة باللغة اﻷلمانية موجهين كلامهم للاجئين السوريين في ألمانيا: “اذهبوا إلى منازلكم – انتهت الحرب – سوريا تحتاجكم!”.

وجاء أيضاً في أسفل “اﻹعلان”: “مع سقوط آخر معاقل دا. عش.. سوريا تحتاج للشبان والشابات من أجل إعمار بلدهم، بعد حرب استمرت لسنوات”.

وعلى ما يبدو فإن الملصقات بدا وأنها وضعت داخل الصناديق اﻹعلانية بشكل نظامي، على الرغم من أن ذلك تم بدون علم الشركة اﻹعلانية المسؤولة.

وفي أسفل الملصقات التي نشرت، تمت كتابة عنوان موقع إلكتروني تابع ﻹحدى حملات “حركة الهوية” (IBD) اليمينية المتطرفة.

وعلى ملصق إعلاني آخر بنص مشابه، تم عرض شعار “حركة الهوية”، المصنفة من جهاز قبل جهاز حماية الدستور (الاستخبارات الداخلية اﻷلمانية) على أنها حركة في “حالة اشتباه”.

وجاء في بيان للجهاز حول تبرير تصنيف الاشتباه بالحركة، أنه “من المعروف أن بعض أعضاء الحركة لديهم اتصالات مع المشهد اليميني المتطرف، وأن بعض قياداتهم كانوا ينتمون إلى منظمات يمينية متطرفة”.

واستفسرت صحيفة “بيلد” من “فال” حول كيفية وصول ملصقات اليمينيين المتطرفين إلى صناديقهم الإعلانية، فأجابت متحدثة باسمها: “نحن لا نعطي هذه المجموعة أياً من منصاتنا اﻹعلانية، لقد استخدموا صناديقنا اﻹعلانية بطريقة احتيالية، وقد قامت الحركة سابقاً، على نطاق أصغر، باستخدام هذه الطريقة في بداية هذا العام أيضاً”.

ومنذ صباح الخميس (عكس السير دوت كوم)، تلقت الشركة الكثير من البلاغات حول الملصقات، و”منذ ذلك الحين يزيل عاملو الشركة جميع الملصقات المشابهة ويتحققون من جميع صناديق اﻹعلانات في برلين”، بحسب قول المتحدثة.

ونوهت الصحيفة إلى أن “إعلان” الحركة اليمينية المتطرفة للسوريين، الداعي لعودتهم، قد يكلفهم حياتهم، فقد جاء في التقرير الأخير لوزارة الخارجية الألمانية حول الوضع الحالي في سوريا أن “لا يوجد أمن داخلي شامل وطويل الأجل وموثوق به، ولا توجد ضمانات حقوقية أو حماية من الاضطهاد السياسي والاعتقال التعسفي والتعذيب”.

وأشارت الصحيفة إلى أن “حركة الهوية” نظمت مشروعاً، تحت اسم، “آها!، المساعدة في المكان”، في سوريا ولبنان، والذي، من بين أمور أخرى غير تقديم المساعدة، التقليل من شأن الجر. ائم التي يرتكبها نظام بشار الأسد.

وفي الصفحة الرئيسية لموقع المشروع المذكور، يمكن قراءة: “في جنوب سوريا (حيث يسيطر الأسد) الناس يتجولون في الشوارع ويضحكون ويرقصون، وفي كل مكان تتقدم حركة العمران”.

ووصفت الصحيفة ادعاءات مشروع الحركة حول الوضغ في سوريا بـ “البعيدة عن الواقع.. في المناطق التي يحكمها بشار الأسد القا. تل”.

وختنت بالقول إن العديد من التقارير تؤكد وقوع عمليات اعتقال وتعذ. يب واغتيا. لات للعائدين إلى بلدهم، على أيدي أجهزة مخابرات بشار الأسد.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫26 تعليقات

  1. والله معكم حق ومليون حق كمان ياألمان شنو مين بده يعمر البلد اذا ولادها السوريين ناويين يقعدوا بألمانيا لسابع حفيد ! بس بنصح الألمان يستخدموا الفرشخانة شنو الشباب مارايحين يرجعوا وحقك ياالله لحتى يشتغل الرفس

    1. مشان أزيدك خازوق يطلع من راسك يا محشش انو السورين بدأو العمل والإندماج والحصول على الإقامات الدائمه وسنتين زمان تسمع انه اغلبهم حصل على الجنسيه الألمانيه.

      1. ياأبو خريان ريته الخازوق يطلع من راسك وراس اللي خلفك على هالأدب الزبالة .. ياحمار شايفكون كلكم لانه انا صرلي ٣٠ سنة عايش هون وقله هالكلام بطريقك لأبو نبيل مشان يعرف انه مالازمني .

      2. ومشان ماتزعل حملت حالي ونزلت للبلد باول الثورة وبقيت لحتى فلست وماضل معي إجرة طريق وحاولت ساعد ابناء بلدي المعترين .. بس مالي خبر رح يطفشوا ويتركوا البلد للايرانيين والاتراك والروس والامريكان !! يحمار ياابو خريان انتي تخوزق بالمانيا لسابع حفيد وبلالك هالرجعة للبلد ومبروك لألمانيا على هيك عاهات عاملين حالهم بحبوا بلدهم بس صدقني الالمان محتقرين اشكالك بس ساكتين ورح تشتغل الفرشخانة والايام جاية.

  2. على فكرة هذا لسان حال جميع الالمان في الاونة الاخيرة بمن فيهم من يدعون الانفتاح وحب اللاجئين وكره النازية والسبب ان الحرب انتهت بقناعة جميع الالمان وطبعا بهمة شبابنا الطيبة يلي بيضولنا وجهنا بافعالهم بالمانيا… العودة القسرية اصبحت قريبة وعلى اقصى حد العام القادم

    1. ليش السنة الجاية؟ بكرا بعد صلاة الصبح حيقلعوهن!! ليش قرار قبولهن ياشاطر كان بايد الالمان اساسا ليكون قرار الترحيل الهم كمان؟! سوريا عم تتحضر لتغيير ديموغرافي بعد ما تم تهجير سكانها السنة منها بمنتهى النجاح تمهيدا لشغلات اكبر مما تتخيل قادمة لاحقا!!

      ولك شوية متابعة للاحداث السياسية عالارض من فترة لفترة ما بتضر.. صدقني!!

      1. لمعلوماتك السنة بس بدهم يسافروا حتى يلي ما عليهم شي، وهلئ يفتح طريق البلقان بتلاقي سورية فاضية بعشر تيام.

        1. مية المية.. وهادا هدف زوبعة اللجوء كلها.. الفكرة انو الحمير كتار.. سواء من يلي ذكرتهم انت يلي بدهن بس يسافروا او الجوقة يلي فوق يلي مفكرة المانيا قبلت لاجئين انسانية وشفقة وحترجعهم بعدين تقليع!!

  3. الإعلان يمثل الحقيقة والقرار الباطني لمعظم الألمان بدون مجاملات، أنو يعني بالعامية شارطين حالكم لتوصلوا لألمانيا، حابينا، قلبكم علينا، بدكم تعمروا ألمانيا، وتدفعولنا ضرايب وخايفين علينا ننقرض نازلين على خلفة، روحوا عملوا هل الشي بوطنكم وطالبوا بحقكم ولا تخافو علينا، يكتر خيركم والله يستر عليكم.

  4. نعم انها مرعبه والسوريين كثير شفافين من الرعب بعضهم اختفت اجزاء من اجسامهم الأثيريه رعب رعب ..طبعاً جاءت هذه المنشورات بعد الويلات من هؤلاء الجياع والساقطين اخلاقياً اباحوا اعراض الألمان ومالهم وعضوا كل يد مدت لهم المساعده من احقر المجتمعات التي يتعامل معها الأنسان .

  5. طبعا اذهبوا الى منازلكم و سوريا تحتاجكم
    هذا طبيعي لان الألمان بالحرب العالمية الثانية . الكل حاربهم و ادمرو بلدهم و عمروها لانهم ما هربوا بالملايين

    1. بألمانيا بعد الحرب العالميه التانيه كان الشعب أيد وحده يعني لا في شبيحه ولافي تشابه أسماء ولا في تقارير كيديه ولا في ١٨ فرع أمن لا ألن شغله وعمله غير يزلوا الناس ويعذبوهن على كلمه ابوضع مختلف تماما وبعدين النظام النازي أنهار وسقط وسقطت معو أجهزة الأستخبارات الألمانيه يا فهيم عصرك

    2. بالفعل كلام صحيح…لماذا نهرب من المواجهة…شعب بلا اصل او مبدأ…لسع البعض يريد يتكلم عن الدواعش…اقل شي مهاجر جاء من اخر الدتيا للقتال…

  6. هذا الإعلان وضع لكل من إدعى أنه جاء إلى ألمانيا هارباُ من تنظيم الدولة, للأسف الكثير من السوريين موالين لنظام الأرها. بي و معارضين له قدموا في افاداتهم أنهم هربوا من داعش للحصول على إقامه بسرعة و السبب هو وجود لوبي دعم هذه الفكرة و نشرها في الاعلام الألماني الرسمي أيضاُ و اليوم بعد إعلان ترامب قضائه على داعش بات حتمياً اعادة اللاجئين إلى سوريا بدعوى أن سبب اللجوء و هو الهروب من داعش انتهى أو زال.
    بدات ال بامف فعلياُ فتح ملفات اللاجئين و دراستها من جديد و وضع برنامج لإعادتهم.
    أمر محزن و مؤسف أن يقع الجميع في هذا الفخ القاتل الذي يصب بمصلحة النظام الفاشي الأرها. بي بدمشق.
    بالتأكيد سوريا بحاجه لنا لإعادة بنائها و لكن لا يمكن أعادة بناء بلد مازال المسؤول الأول عن تدميره يتحكم فيه لانه ستبني بلداً محكوم عليها بالدمار المؤجل. لا يمكن اعادة سوريا في ظل حكم الوحوش المفترسة.

  7. يلي مفكر حاله استقر باوروبا بكون غلطان كتير ..رح يتم تهجيرنا بالقوة ان كنت مسلم او مسيحي لاجئ او مواطن رح يجي اليوم يلي رح يقلعونا فيه كلنا..والسبب و بكل شفافية هو اخلاق فئة كبيرة منا..

  8. شو هل الحكي هذا. يرجعوا لوين؟؟؟ يعمروها مع مين؟ مع المساعد جميل؟!!! حبيبي اللي عم تحكي على السوريين اقعد ليلة وحدة عند الجوية او حتى السياسية و شوف كيف رح تركض ركض على المانيا و القطب الشمالي حتى. قلتلي الالمان ما تركوا بلادهم بالحرب؟؟؟ اي حظهم حلو. ما كان عندهم الجولاني و البغدادي و الزينبيون و اللات و العزة و السياسية و امن الدولة. الزم حدك و الله شعبنا شعب من القديسين و الملائكة على ما تحملوه.

  9. سنة أو سنتين كمان معظم اللاجئين الذين يعملون و يدفعون الضرائب سيحصلون على جنسيات أوربية. و كثيرون منهم حصلوا عليها
    سورية لم تعد سورية .. و ليهنأ الذين كانوا يريدون حرق البلد ببلدهم المحترق
    و بلا حدا يعلك بالوطنية .. ما في وطن بكل التاريخ بيقصف شعبه بالقنابل و بالكيماوي و بيحوله لسجن على شكل دولة
    اللي عاجبته هيك دولة و هيك نظام يتهنا فيهم

  10. غباء المتطرفين بالمانيا ظاهرة تستحق الدراسة بالفعل!!
    الحرب انتهت بانتصار الجزار الكيماوي وبقاؤو على راس السلطة هو واصغر شرطي مرور!!
    اللاجئين السوريين بالمانيا عم يدبكوا من فرحة الانتصار لانو هو ضمان بقاءهن بالمانيا.. لانو من جحشنة المتطرفين ما بيعرفوا انو ٩٠ ٪ من اللاجئين كاتبين بطلبات اللجوء انهن هربانينن من النظام والمخابرات والخدمة العسكرية.. وقلة قليلة بس معظمها مسيحين ومؤيدين يلي كاتبين انهن هربانين من داعش!!
    والاسوء من المتطرفين هنن السوريين امثال الجوقة يلي معلقة فوق!!! هدول يعجز القلم واللسان عن وصف حالتهم.. لأنهن بيعرفوا البير وغطاه!! وبيعرفوا اكتر انو استحالة لاجئ يرجع لمكان مسيطر عليه النظام بكل افرعتو الامنية تماما متل قبل الحرب ولو بقي ١٠٠ سنة!! العراقيين يلي هربوا من صدام بالتمانينات بقيوا لعام ٢٠٠٦ لرجعوا قسم منهم!! يعني بعد سقوط النظام كاملا وتشكيل حكومة جديدة ورئيس جديد ودستور جديد ب ٣ سنين!! يعني المتطرف ما بيعرف غريب معذور.. اما ابن البلد هادا شو وضعو؟

    غباء مع مرتبة الشرف بصراحة!!

  11. أصبح للأسف ينظر للسوريين في أوربا عمومآ وألمانيا تحديدآ بعين الريبة والحذر كالصوص ومغتصبين وخونة وجبناء ومتخلفين وبلا ضمير وأخلاق، ويسموننا الغزاة البرابرة.

  12. شبيحة بوتين كثر في المانيا والشرقيين وبرلين شربوا من منبع الدكتورية .
    اما ممن قلبه على سورية ممن كتبوا هنا فليذهب هو الى بلده
    لان بلده لا يوجد فيها حرب . واذا اخذ لجوء فأخذه بفضل السوريين . وهو حال كل من دخل إلى أوروبا من باقي دول العالم
    حتى نحنا السوريين فضلنا على رأس كل واحد دخل واخد لجوء
    لا حدا يتفلسف ويبعنا وطنيات تافه .
    والله من وراء القصد.

  13. مضحكين انتم كيف بدافعو عن الالمان الحمدلله انى نحن كنديين صح ىلدنا بسوريا بس من عشرات السنين مسافرين و عنا هون تقبل الغير
    يعني الكل نفس المستوا الشعب الالماني عنصري لدرجة مقرفة و هي لا ندل بالانسانية بصلة . حتى ياي متجنس بقولو مو المانيا.. شعب ممل و بلد مملة

  14. سورية لاتحتاج لاحد .. السوريين مبسوطين بالمزبلة ياللي عايشين فيها .. ما بدهم اكتر من هيك .. المصاري بتجي عموما من اقارب بيشتغلوا بالخليج او بالدول الغربية .. ومفكرين حالهم مافي متلهم .. بيدبكوا وبغنوا على كلشي مهين بالحياة الانسانية .. لانو انتمائهم جردوني ..