ممثل معروف بمواقفه شديدة الموالاة للنظام يتحدث عن تفاصيل تحطيم هاتفه المحمول في مركز لسيريتل تعبيراً عن غضبه من قرار حكومي ! ( فيديو )

ممثل معروف بمواقفه شديدة الموالاة للنظام يتحدث عن تفاصيل تحطيم هاتفه المحمول في مركز لسيريتل تعبيراً عن غضبه من قرار حكومي ! ( فيديو )

شن الممثل بشار إسماعيل، المعروف بمواقفه التشبيحية الموالية لبشار الأسد وجيشه، هجوماً حاداً على شركة سيرياتل، على خلفية فرض مبلغ طائل عليه، وذلك لتعريف جهاز “سامسونغ إس 9″، جاءه كهدية.

وقال إسماعيل في مقطع مصور تداولته صحفات وشبكات إخبارية، عبر فيسبوك، إنه سيروي قصة مضحكة مبكية في الوقت ذاته، حصلت معه قبل العيد بنحو 15 يوماً.

وقال إسماعيل: “بالعيد قبل العيد بتقريباً 15 يوم جاءني موبايل شي بياخد العقل، بس والله انا ما عندي خبرة بالموبايلات، شو اسمه بابا؟ إس تسعة، هو شكله حلو لا شك، طار عقلي فيه، بشرفي صرت متل طفل صغير، أخدت الموبايل، طلعته من الكرتونة، وطلعت عليه، أبداً طفل، لا ونيمته معي بالتخت، 3 أيام وأنا منيمه بالتخت معي بالتخت لهالموبايل”.

وتابع: “استمعت بشوفته كتير، بعدين شلت الشريحة من الموبايل القديم، وحطيته بالحديث اللي اجاني، استخدمته يومين 3 بتجيني رسالة، صح كتابة، بس حسيت اللي باعتها إله أنياب، اللي باعتها إله أنياب متل الذئب والعياذ بالله، قال تلفونك مو معرف، تعال عرف عليه، ودفاع المترتب على هالموبايل”.

وأضاف: “اختش قلبي والله، انا كنت سمعان انه الواحد بده يدفع 10 آلاف 15 ألف 25 ألف ماشي الحال، طبعاً أنا امتثلت للأوامر ورحت على سيرياتل على مركز رئيسي باللاذقية، دخلت.. صباح الخير أهلا أهلا أستاذ كذا، كتير باحترام، قلتله هذا الموبايل جديد وأنا كتير شايف حالي فيه، قلي معك حق الموبايل جديد ولساته عم يلمع، الموبايل عم يلمع، قلتله شفلنا هاد اديش لازم ندفع عليه حتى ما توقفولنا ياه، الشرائح عليه، فمسك الكومبيوتر وبلش شغلات ما بعرفها ولا رح أعرفها”.

وقال: “فجأة بقلي هادا، وانا عم اضحك، عليه 75 ألف، هيك صرت، قلتله نعم، قلي 75 ألف، قلتله همم وانطرشت، بشرفي انطرشت، قلتله 75 ألف، قلي إي”.

وتابع: “قلتله ليش 75 ألف، يعني أنتو مثلاً معناتها عم تستفيدو من هي الأجهزة أكتر من الدولة الصانعة، يعني أنتو شو عم تحطو مادة أولية شو عم تحطو عبقرة باختراعه، شو عملتو حتى عم تاخدوا 75 ألف من واحد عايف السما تبعه”.

وأضاف: “علماً أنا من الطبقة المتوسطة ماني من الطبقة الفقيرة، معناها الطبقة الفقيرة ما رح يحملوا هيك موبايل بحياتهم ولا طبقة المتوسطة”.

وختم إسماعيل بالقول: “بتعرفوا شو جاوبته، على فكرة أنا عم إعمل بث من الجوال القديم، قلتله لا بالله ما رح اعطيك 75 ألف على شي أنت ما بتستاهله ولا اللي مطلع هذا القرار، سحبت الشريحة قدامه وكسرته للموبايل وكبيته بالزبالة، ورجعت على الموبايل القديم، والحكاية حكيناها وعنكن حقها الآن”.

يذكر أن حكومة نظام الأسد قد فرضت “التصريح عن أجهزة الجوال”، عام 2016، وبدأت تطبيقه في الشهر السادس، برسوم قدرها 15 ألف ليرة سورية، لتعود وتعدل القرار برفع الرسوم إلى 25 ألف.

ومنذ بداية العام 2019 عدلت وزارة الاتصالات الرسوم أربعة أقسام، شريحة أولى 15 ألف ليرة سورية، شريحة ثانية 30 ألف ليرة سورية، شريحة ثالثة 60 ألف ليرة سورية، شريحة رابعة 75 ألف ليرة سورية.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫16 تعليقات

  1. فعلا يلي بعتلك الرسالة كان اله أنياب .. أنياب متل الذئب والعياذ بالله ههههههه وصف دقيق للغاية

  2. معلش تقلي ياكر ليش عبتكوليك كل هالمكولكه مشان موضوع منه علاقه بالقائد والجيش؟؟؟ هاد لو علاقه بخيك مخلوف وانت اعرف الناس فو ……
    بعدين بالعاده الواحد بيهدي صاحبته هيك سامسونج لانه عبتروقوا وتدلله!!!!!!!
    فيك تقلي ليش هدوك هيك تلفون وانت اقرع؟؟؟

    1. ايش مانو علاقة بالرئيس القايد؟ ما سيريا تيل ملكو هو و الحرامي ابن خالتو. و القوانين كمان بتطلع منو هو و اخوه. اذا حاميها حراميا، كيف مالو علاقه سيادتووووو؟

  3. لك عيني اذا انزعجت هلق لما قربو صوب جيبتك شو بتقول لكن عن شعب من اربعين سنه عم يندعس على كرامته . كنك اول مره بتدفع ضرائب او أتوات للحكومه فما بالك الشعب على مدار اربعين سنه عم يتحكم برقابه شبيحه وعناصر امنيه ويشلحوهم اتوات ومصاري لحتى ما يضروهم
    انت عم تدفع ضريبه قانونيه وعم تروح لخزينة بيت الأسد وانتفضت كل هالنفض فما بالك بإبن عاهره ما بيمشيلك معامله من معاملاتك الخاصه الا تدفعلو رشوة
    الشعب الي عم يصير فيه ما من قليل لأنو عيشت نص الشعب إذا ما أكتر بالحرام. ما في مره دفعت فيها رشوة لحتى تمشي معامله فيها حق من حقوقي الطبيعيه الا دعيت على شلحني المصاري بكل الأدعيه الي بتصيبو بالمرض والفقر

  4. الشغلة ما وقفة ع الموبايل كل المنتجات المستوردة يكون عليها ضرائب. 100/100 وكمان 200/100. او300/100والحكومة الساقطة تبعك حكومة لصوص حرامية ومجرمين
    عليكم لعنة الله جميعا

  5. رغم تشبيح بشار إسماعيل لكن له مواقف جيدة وهو قريب من الناس اكتر من النظام الارهابي المستبد وأزلامه يلي فتت وحدة الشعب وزرع عداوات لم تكن موجودة أصلا بين مكونات الشعب السوري ياريت ترجع المحبة والتسامح والتعاون بين السوريين ويتحدوا ضد النظام الفاسد والمعارضة يلي أظهرت بأنها الوجه الآخر لنظام التسلط والفساد والاستبداد.
    صعبة كتير أليس كذلك.

  6. كل شيء راح نصدقك يا شبيح بس انو تكسر الموبايل هاي كبيرة ما عليك ؟؟؟؟؟؟

  7. الصراحة شي بيشرم القلب، بس بظن هاد القانون نفسه موجود بتركيا ، أو شي مشابه أله، على كل بشار إسماعيل فنان محبوب، وقال الحق، بقية المزاودات مو هون محلها…

  8. 150 دولار ضريبة على تليفون ثمنه 1000 دولار يعني 15% وهو رقم منطقي جدا. وعلى سيرة الانياب حابب شوف تعابير وجهك بس تصير بكندا وتبلش تنهال عليك المظاريف الحكومية البنيه وخصوصا من الضرائب وهي تطالبك بدفع المتاخر عليك او سداد رسوم معينة تحت طائلة الملاحقة القانونية ووقتها تعال حدثنا عن الانياب و المخالب

    1. الضرائب بكندا عم تاخذ مقابلها اعانات ومساعدات بإيجار البيت ومساعدة اذا قاعد بلا شغل
      بسوريا اذا قعدت بدون شغل مين بيساعدك بشار ولا ماهر ولا رامي

    2. انا ما سمعت بحياتي حدا بيدفع ضرايب بسوريا غير موظف الدولة ؟ حتى التاجر بيدفع من الجمل ادنه و بيتهرب من الضرايب فعلى شو بدها الدولة تعطيك اعانات و مساعدات؟