” فضيحة كوميدية ” في مؤتمر بشار الأسد لعودة اللاجئين ( فيديو )

شهد “مؤتمر عودة اللاجئين” الذي استضافه بشار الأسد بتوجيه من روسيا، ما يمكن اعتباره “فضيحة كوميدية” كان بطلها من يعتقد أنهم مشرفون على البث المباشر لافتتاح المؤتمر.

ونشرت قناة “روسيا اليوم” الروسية عبر يوتيوب، البث المباشر كاملاً (حوالي 10 ساعات) وفي جزء منه نسي، من يعتقد أنهم مشروفون عليه أو مترجمون لتصريحات المشاركين، المايكروفون مفتوحاً وتحدثوا عن مجريات المؤتمر وسخروا منه.

وقال أحدهم بعد إبداء السخط من الانتظار الطويل ومن الاستراحة والمطالبة بتعليق الجلسة “هالمرة صارت فينا، بس المرة الجاي أي دعوة لأي مؤتمر ماني جاي.. من الصبح لهلا (…)”.

وتحدثت سيدة عن سؤال إحداهن عن الهدف من هذا الحضور (الكبير)، وتسخر من هذا السؤال على اعتبار أنه “مافي حدا” ثم يضحكون ساخرين ويضيف ثالث: “أحسن شي لما أخدوهم على سوتشي، 5 آلاف بني آدم مشان يصفقوا ويهتفوا الشعب السوري واحد”.

ويستمر الثلاثة بالسخرية ويتطرقون لعنوان الجلسة (تأثير كورونا على عودة اللاجئين) الذي لا علاقة له بالمؤتمر على حد تعبير أحدهم، فتصحح له السيدة بالقول إن فيصل المقداد تحدث عن تأثير كورونا على عودة اللاجئين، فيقول الثالث ساخراً: “يلي قاعدين بالبلد لو يصحلهم كان طلعوا” في إشارة منه إلى أن لا أحد سيعود، ويضيف الثاني في هذا السياق: “عم نضحك على حالنا يعني (…)”.

وخرج السيدة من الغرفة، فتحدث عنها الاثنان وقالا إنها خريجة أدب إنكليزي و”حبابة بنت عيلة وزوجها الدكتور عفيف دلا يلي صار رئيس اتحاد الشبيبة”.

الجدير بالذكر أن المؤتمر قوبل برفض وعدم اعتراف من قبل الاتحاد الأوروبي، بسخرية كبيرة عبر مواقع التواصل الاجتماعي، سواء من قبل السوريين الموالين أو المعارضين، كما أن معظم الدول التي شاركت فيه لا وجود للاجئين السوريين فيها، أو أنها تستقبل عدداً يكاد لا يذكر منهم.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫16 تعليقات

  1. والله العظيم مللت من شتمك يوميا أنت لا تخجل من نفسك وهناك واحد من 20 مليون يشتمك

  2. عندما تنقلع من الحكم أعلمنا أنك أنقلعت حتى نفكر إذا عودتنا فيها فائدة لسوريا يا مدمر سوريا

  3. كلمتين بدون قصد كشفوا العار والخيبات التي يعيشها نظام الأسد.
    انها الدلائل والتفاصيل الصغيرة التي تحدث مع هذا النظام وتدل على انه صار مكشوفا وعاريا ومفضوحاً ولايملك من أمره شيئا.
    مصيبة السوريين ليست بهذا الكم من المصائب الرهيبة التي اقترفها نظام الأسد الإرهابي الفاسد فقط بل زد عليها مستوى الدنائة وانعدام الإحساس والوطنية والإنسانية والعهر السحيق الذي هوى إليه هذا النظام باستمراره بالسلطة وأخذ سوريا وشعبها كرهائن وسلع للمساومات وبكل وقاحة وأباحية ….. هذا النظام النخاس.

  4. قرائت عن كلفة دفع البدل ورأيت أن المبالغ المطلوبة خيالية؛ ما تعليقكم يا متابعين (عكس السير) وأرجو من المشرفين على الموقع ينشروا شيئا عن هذا الموضوع مشكورين.

    1. البدل كان ثماني ألاف دولار ياعزيزي وصار سبع آلاف دولار يعني نزل ألف دولار
      الغربة المطلوبة أربع سنوات لدفع سبع آلاف دولار .

      الجديد بالموضوع أنه إذا حبيت تقصر مدة اغترابك بتزيد مبلغك !
      هي موجهة للتجار الدسمين بالداخل مشان ما يغربو أولادهم بعيد عنهم سنة زمان وبيرجعه عالبلد بيدفعله عشر آلاف دولار وخالص..

      العشر آلاف دولار عبارة عن نص مليون ليرة بحسابات الفين وعشره يعني هي بتلاقيها بالدرج آخر الأسبوع عند أصغر تاجر بحلب أو بالشام عام الفين وعشرة

  5. اذا لم تستحي فافعل ما شئت براميل بشار الارهابي الكيماوي وطائرات المجرم بوط طين الارهابي جزار غروزني هجروا الناس من بيوتهم والان يريدون قبض ثمن ذلك من سيرجع الى حكم بشار الارهابي الكيماوي

  6. لو عادت سوريا إلى 2010 فقط لا غير دولة عالم ثالث متخلفة نعم لكن واعدة مستقرة قوية و ب بنية تحتية ورزق كريم وشعب شغيل ومصانع اشتغلت واعتراف عربي ودولي راح يعض كل عرعور على فردة والراجعين سيكونون بمئات الآلاف بل بالملايين فعلياً وطبعاًهل كلام مابيعجب حدا يقرأه ولا يناقش فيه لكن الواقع المر اللي عايشينه الكبار في العمر أو اللي ما اندمجو في أوروبا وهربو من حالة الحرب أكرر من حالة الحرب وليس من ” مايسمى ” الفورة هو اللي راح يخليهم يرجعو

    المطلوب حالياً تنظيم البنية التحتية المباشرة بإعادة الإعمار تحسين الدخل تظبيط وضع الكهربا الدولار المطارات وبعدها عفو عام وراح ترجع الناس سواء أحبب المعارصون ذلك أم لا

    مجرد رأي

    1. انا معك …بس شوف مين بده يظبط البنية التحتية ويدير البلد…

      لازم الاستاذ رامي يمسك التطوير وبتنتعش البلد بحيث يكون السيد الرئيس رئيسا لكل سوريا والاستاذ رامي يصير رئيس مجلس الوزراء بصلاحيات موسعة وكل شي بيرجع احسن من الاول …
      كل اللي اشتغلوا بسيرياتيل ببدايتها بيعرفوا تمام النقلة النوعية اللي حققها الاستاذ فشو المانع من تطبيق سياسته عالوزارات…..وهيك الكل بيكون بخير والعراعير وغيرهم ماعاد لهم وجود اصلا…
      يالله خلينا نبتدي بعفو عام واطلاق المعتقلين واعلان مصير المفقودين ونبدى بالمسامحة والمصالحة الحقيقية تشوف

    2. مع نظام طائفي دستوره الفساد وايمانه الرشوة ولغته الكذب مقاطع من اهم واقوى دول العالم والعربي
      الاتحاد الاوروبي امريكا دول الخليج.. بمعادلة بسيطة اذا ستك ترجع صبية النظام بيرحع الوضع ل 2010.
      لا احد يامن لغدر النظام العلوي .. عفوا عن شباب مناطق المصالحات وفي اليوم التالي اعتقلوهم وبعدها قتلوهم بالمعتقلات.

    3. سوري معتق :

      حبيبي ألفين وعشرة ماكنت بعرف إذا حلاقي بالحارة شيعي ولا علوي ولا بعثي ولا مسيحي ولا عبري كنت بعرف إنه أطيب قلب وأحسن إنسان ومن أكابر القوم وماشفت عليه ذلة !

      ألفين وعشرة كنت بعرف تماماً أنه في فساد كبير بالبلد نعم وبكل الدول الجربانة العربيه أجل لكن ماكان في حدا يتجرأ على حرمة مين ماكان يكون والعساكر تحديداً والجيش كله من أكبر ضابط لأصغر ضابط بيوقف قدام حرمة مقدرة وبيحطها على راسه حتى لوكان ابن سبعمية حرام كان في شي إسمو نخوة وشرف

      ألفين وعشرة كان عندنا اربع معامل واللي شغلناهم من الأرياف كانوا ياخذو رواتب تعادل رواتب أعضاء مجلس الشعب لمعلوماتك خمسمية دولار أقل واحد فيهم بالشهر ياخد هاد من عدا العمولات ولاكنا نسأل عن دينهم ولا عن ربهم ولا عن طايفتهم بس كنا نسأل فقط عن أمانتهم ! وهنن اللي خانوا الأمانة بعد ما انغسل المخ تبعهم أن الثورة راح تجيب شي أنضف من الموجود !

      برجع بكرر .. ألفين وعشرة راح يرجع وحياتك بمجرد ما تستوي الطبخة بين روسيا وأمريكا البقية كلون كومبارس صدقني بكبسة عالريموت كونترول بيوقفوا باستعداد ، روسيا ماصرفت مليارات بالبلد عندنا كرمال تجي اميركا تسرح وتمرح بالاخير والحرب الحالي اقتصادية مو أكتر

      مجرد ما يجي الأمر بالريموت كونترول من واشنطن رح ترجع الاستثمارات الإماراتية والسعودية ولاتستبعد تشوف اردوغان أو خليفته عم يصلي بالأموي متلما صار ياكل خرا بس بدعوة من الأسد .. السياسة مالها دين صدقني

      نحن موضوعنا مو أشخاص.. ركز لي على موضوع عودة اللاجئين وفكر معي بعقل بعيد عن اتجاهك السياسي :

      النظام السوري متلما بيحبو المعارضة يسموه ” نظام ” مع أنه الحاكم الشرعي للبلد باعتراف الأمم المتحدة ولازال عم يلعب لعبة ذكية ومن وراءه روسيا
      أوروبا كلها ضجرانة من اللاجئين والمهاجرين لأن ماعارفين يندمجو خاصة الكبار بالعمر والملتزمين واللي ماعم يلاقو شغل أو يتعلموا مهنة هدول بنظر أوروبا عبء كبير هي رقم واحد

      رقم اثنين الاحزاب العنصرية وضغطها على الحكومات مافيك تتخيله !

      رقم ثلاثة أوروبا بيهمها فقط بالقانون مايكون في حالة حرب ودمار وقصف وقتل وتشريد اما الوضع الاقتصادي انسى آخر همهم علوا الناس تشحد هذا ليس سبب كافي للجوء والهجرة ومنح الإقامات بعدما شافوا العينات الفذة تبعتنا لما عم توصل ..

      الإقامات المؤقتة اشتغلت من زمان زمان بعيد والطرد شغال والرفوضات شغالة وروح اسأل السويد والدنمارك والمانيا كيف الوضع هناك روح بنفسك اسأل والفيس بوك موجود وستعرف مباشرةً الوضع كيف صاير ! اللي نفد بريشاته هم اللي اخدو اقامات دائمة فقط والجنسيات صارت حلم في المشمش إلا لمن حصل على عمل ولغة واندماج

      الناس اللي ماعليها شيء بالعربي الفصيح يلي ماعليها فيش أمني ولا ملاحقة من مخابرات هي رقم واحد رح ترجع طواعية من تاني يوم بتتأمن فيه كهرباء وماء وانترنت ورزق كريم مصنع مصنعين بيجيبو خمسين مصنع وراهم وشعبنا شغيل ماهو تنبل
      والناس اللي خايفة من الجيش والخدمة هي رقم اثنين رح ترجع بمجرد ما يصير في مهلة وتنظيم وأمان عالحياة ومدة محددة للخدمة وينضب السلاح الثقيل بالمخازن وترجع البواريد فاضية وممنوع حدا يشيل مخزن مليان صدقني لناس أغلبها ماعندها مشكلة تخدم بالجيش على أيام الفين وعشرة بمعزل عن قصة ولاء ومش ولاء لنظام بس كان الجيش لعب ورق وتفييش وسنة ونص زمان وخالص روح وين مابدك شو مابدك اعمل وفي ناس كانت تشتغل وتخدم عسكرية بنفس الوقت وتظبط حالها بالعكس في ناس عملت رفقة العمر من خلال الجيش وفي ناس لاقت شغل من خلال الجيش وفي ناس ما حبت تتسرح أصلاً وتطوعت بالجيش !

      يعني لو عاد الوضع ل لألفين وعشرة شوية أمان وحكومة فاعلة عالأرض واستثمارات صدقني صدقني رح تلقى الناس بدون مجاملة سبعين بالمية راجعين لأرزاقهن وصلاتهم ومساجدهم وحياتهم بكتير أو قليل يلي بحياة عمرو النظام ماكان يمسك الشعب بالطلعة والدخلة ويدبحهن عالهويات ولا بعمره قال لواحد يا سني ويا علوي ويا مسيحي ويا مدري إيش هي بحياتنا ما سمعناها عبارات النصيرية والاخونجية والكره الشديد للآخر ما سمعناهم أبداً أبداً وماراح اقلك هي المدينة الفاضلة لأ بس استرجي بالسعودية تنتقد الحكم وابن سلمان وشوف ايش يصير فيك ..

      البعض يصلي الآن لعدم توقف الآلة العسكرية مو كرهاً بالنظام لأ بس حتى ما يفقد فزاعة بشار الأسد يلي شايلها وين ما راح مشان ما يرحلوه بأوروبا على بلده !
      جماعة إدلب مجهزين الفيز ومظبطين المهربين مشان مايفقدو الفرصة للهرب على أوروبا وعلى فرد كلمة ( أنا مطلوب , ومافيني ارجع ) .الكل طامع باالحياة الرغيدة يلي حصل عليها في أوروبا لكن هيهات إذا ما اشتغل واندمج وحصل على إقامة دائمة أو جنسية رح ياخد طرد وحالياً صارت الدول الأوروبية تصنف الوضع بمناطق آمنة ومناطق نزاع ومناطق غير مستقرة والأمور نهائياً اختلفت عن الفين وخمسطعش

    4. حيدرة أخوي كلامك صحيح بمعزل عن سلبيات امبراطوريات آل مخلوف بس على الأقل عهدهم كان مشهود له بالتطوير للبلد سيرياتل كمثال معك مية بالمية كانت حلم الشباب البسيط يتوظفوا فيها وفعلاً كانت إلى حد كبير ما تاخد واسطات والتوظيف حسب الكفاءة صحيح هم شفطو مليارات من الشعب بس عملوا بالمقابل بنية تحتية وتطوير وبدلات ومحاسبة شديدة وكفاءات كبيرة كتير

      أهم شيء مانشوف مناظر محدثي النعمة متل قاطرجي ومدري مين بين يوم وليلة صارو يحكو بالمليارات وصارو يشكلو دولة ضمن الدولة

    5. سوري معتق مين قال لك النظام السوري مقاطع ؟ دول أوروبا كلها فيها سفارات وشغالين الشباب وعالأربع وعشرين
      والخليج من تحت لتحت والإمارات عالعلن
      والسعودية من تحت لتحت
      وأميركا ما قطعت التنسيق الأمني مع حدا كرمال مصالحها ومعروف كرمال مين

      لو اجا الامر من واشنطن للخليج رح تشوف موفد ابن سلمان عند بشار بكر الصبح في زيارة غير معلنة ويشتغل التسريب للصحافة عن صفقة معينة ومبادرة معينة ومخرج وهيك سيناريوهات ولا أسهل منها مافي بس المطلوب يتفاهمو على الكعكة الكبار حالياً مابين موسكو وواشنطن كل واحد عنده نقاط قوة عالأرض وإذا ما اتفاهمو ماراح تنحل القصة ب سوريا نهائياً ماحدا بيسترجي يغضب الأمريكي بالمنطقة ولي نعمتهم والأمريكي حالياً مو فاضي لبعد ما يستلم بايدن وقتها بينفتح الموضوع بدهاء روسي